Хаартыска: «Үлэ кыбартаала» креативнай кластер саайта
«Тундра» саха анимационнай устуудьуйата «Таҥха» ойуулук кылгас трейлерын таһаарда. Бу туһунан «Үлэ кыбартаала» креативнай кластер саайта иһитиннэрэр.
Устуудьуйа үлэтин сүрүн сыалынан анимацияҕа Хотугу сир култууратын баайын, эгэлгэтин билиһиннэрии уонна Саха сиригэр анимация индустриятын сайыннарыы буолар. «Үлэ кыбаартала» креативнай кластер резиденэ «Тундра» анимация устуудьуйата 2023 сыл муус устарыгар «Startup Village» диэн Сколково пуонда стартаптар ортолоругар ыыппыт куонкуруһугар иккис миэстэ буолбута. Устуудьуйа төрүттэммитин кытта тута «Һөҕүҥ» арт – видеону таһаарбыттар. Оттон муус устарга – «Тымныы оҕуһа” диэн кылгас миэтэрэлээх 3D — ойуулук тахсыбыта.
«Саха сиригэр анимация сайдыытыгар ураты болҕомто ууруллар уонна «СӨ креативнай экэниэмикэтин сайыннарыы туһунан» Ил Дархан Айсен Николаев Ыйааҕар биир сүрүн соругунан буолар. Ол курдук, 2024 сылга биһиэхэ рекорднай 500 мүнүүтэлээх анимация контена оҥоһулунна. Олохтоох анимационнай устуудьуйалар ойуулуктара сыллата хаачыстыбалаах уонна ирдэниллэр буолан иһэрэ үөрдэр. Билигин «Тундра» устуудьуйа Саха анимациятын флагманын биирдэстэринэн буолар. Саха сирин олоҕун-дьаһаҕын, үгэстэрин дириҥник өйдөөн, аан дойду таһымнаах хартыыналары айан таһаарар. «Таҥха» ойуулук тахсыытын сотору кэминэн күүтэбит. Анимация бары сүгүрүйээччилэригэр бу чахчы күүтүүлээх түгэнинэн буолуо диэн эрэнэбин!», — диэн ТГ-ханаалыгар суруйар Бырабыыталыстыба бэрэссэдээтэлин солбуйааччы Анатолий Семенов.
Урут сууттана сылдьыбыт Дьокуускай олохтооҕо пневматическай бинтиэпкэни, бэстилиэти уонна унтууну кыбартыыраттан уоран тутулунна. Бу туһунан…
Ыраастааһын Сылгы сиэлин сэлээн баран, биир да мутуга суох ыраас синньигэс талаҕынан эбэтэр маһынан тэбиибит,…
«Аҕа дойдуну көмүскээччилэр» пуонда көмөтүнэн, байыаннай эпэрээссийэ бэтэрээннэрэ оҕолору уонна ыччаты патриотическай иитиигэ көхтөөхтүк кытталлар.…
Бүгүн Дьокуускай куоракка Бүлүүлүүр суолга баар сыбаалка умайбытын туһунан иһитиннэрии тарҕанна. Онуоха СӨ Экологияҕа, ойуур…
Итинник эттэ өрөспүүбүлүкэ дьиэ-уот хомунаалынай хаһаайыстыбатын уонна энергетикаҕа миниистирэ Вячеслав Емельянов муниципальнай тэриллиилэр бэрэстэбиитэллээх уорганнарын…
«Владимир Путины кытта сылы ырытыы» биэриигэ, ахсынньы 16 күнүнээҕи туругунан, 1,6 мөлүйүөнтэн тахса ыйытыы киирбит. …