ВИДЕО: Ленскэй киинигэр хагдаҥ эһэлэр бэйдиэлээбиттэр

Ленскэй олохтоохторо социальнай ситимнэринэн хагдаҥ эһэлэр куорат уулуссаларыгар бэйдиэ барбыттарын туһунан видео тарҕаттылар.

Ол курдук, икки тыатааҕыны «Северный» түөлбэҕэ уонна куорат киинигэр Долгое күөл аттыгар көрбүттэр (Заозёрная, Мииринэй, Сунтаар улууссаларга). Манна түөлбэ олохтоохторо олорор дьиэлэрин подъезтарын ааннарын хам кэлгийэн сабаллар диэн биллэрдилэр. Биир кэлим дьуһуурунай-диспетчерскэй сулууспа иһитиннэрбитинэн, бөлүүн 5 киһи саалаах «Карат» успуорт уораҕайын аттыгар таҕыспыттар.

Өскөтүн, тыатааҕыны соһуччу утары көрсө түстэххитинэ, төһө кыалларынан, уолуйуо суохтааххыт. ЫБММ бэлиэтииринэн, тыаҕа, суолга, нэһилиэктэн чугас сылдьан тыатааҕыны көрүстэххэ, тыаһы-ууһу таһааран, улаханнык хаһыытаан, төбө үрдүгэр, улаатан көстөр туһуттан, суумканы ууран, тыатааҕыны кыраҕыта сатыахтааххыт. Хайдах даҕаны куттаммыт, уолуйбут иһин, куотан туһата суох.

СҮБЭҺИТ: Тыатааҕыны көрүстэххэ…

Видео: «Северный» түөлбэ бөлөҕүттэн