ВИДЕО: Леонид Евстифеев маскировочнай көстүүм тигэргэ туһаныллар лиэнтэни быһар ыстаныагы оҥордо

Өлүөхүмэ улууһун Үҥкүр сэлиэнньэтин олохтооҕо Леонид Евстифеев байыаннай дьайыыга маскировочнай сиэккэни өрөргө туһаныллар хас даҕаны ыстаныагы оҥордо. Бу сырыыга дьокуускайдар сакаастарынан лиэнтэни кэрчиктэринэн быһары толкуйдаан таһаарда.

Леонид Владимирович Евстифеев байыаннай дьайыы саҕаланыаҕыттан көмөлөһөр. Маҥнай байыаннай дьайыыга кытта сылдьар дьон дьиэ кэргэттэригэр муус ылан биэрбитэ. Онтон ыла күн бүгүҥҥэ диэри сүрүн үлэтин таһынан сүрэҕин баҕатынан сүгэһэр ылынан, маскировочнай сиэккэ өрөргө, лиэнтэни быһарга туһаныллар хас даҕаны ыстыаныагы оҥорон таһааран, волонтердар үлэлэрин улаханнык чэпчэттэ. “Тохсунньу сынньалаҥнарыгар Дьокуускай куоракка волонтердар сакаастарынан, байыаннай дьайыы кыттыылаахтарыгар аналлаах көстүүм тигэргэ лиэнтэни кэрчиктэринэн быһар ыстаныагы оҥордум    “ – диэн кэпсиир.

Ыстаныагы хайдах оҥорбутун, хайдах үлэлиирин туһунан Леонид Владимирович бэйэтэ быһаарарын видеоҕа көрүҥ.