Хаартысканы Марта Николаева тиксэрдэ
Мэҥэ Хаҥалас улууһугар сылын ахсын тэрилтэлэринэн культурнай, спортивнай эстафета ыытыллара үчүгэй үгэскэ кубулуйбут.
Майа МТ дьаһалтатын баһылыга Алексей Неустроев ыҥырыытынан СС Оһуокай түмсүүтүттэн бэрэссэдэтээли солбуйааччы А.Л.Тарскай салайааччылаах түөрт эр дьоммут тахсан, тэрилтэлэр Оһуокайдарын күрэҕин сыаналаатылар.
Дархан этээччи Валентин Хорунов киирии түһүлгэни төрүттээтэ. Үтүөлээх этээччибит Петр Григорьев түһүлгэни таһааран, маастар оһуокайдаата. СС Оһуокайын түмсүүтүн бэрэссэдээтэлэ А.Д.Данилов аатыттан бииргэ үлэлииргэ санааларын эттилэр, эҕэрдэтин туттардылар. Майа тэрилтэтин эр дьоно бары сахалыы таҥастаахтарын,харахха быраҕыллар курдук эдэр дьон элбэҕин бэлиэтии көрбүттэр. Баһылык Алексей Неустроев сахалыы дьоһуннаах тылын- өһүн бэлиэтээтилэр.
Күрэх түмүгүнэн Ф.Г.Охлопков аатынан орто оскуола — бастакы, В.П.Ларионов аатынан орто оскуола — иккис, «Кэнчээри» уһуйчаана — үһүс миэстэлэргэ тиксибиттэр. Лауреат аатын Антон Баишев, Масаха Мэхээс, Захар Моякунов ылбыттар.
Оһуохай тылын этэр Масаха Мэхээс:
Түмүккэ, Майа дьаһалтата уонна Оһуокай түмсүүтэ дьону сомоҕолуурга бииргэ ылсыһан үлэлиэхтэрэ диэн эрэнэбит.
Марта Николаева
Ахсынньы 22 күнүгэр Саха Өрөспүүбүлүкэтин доруобуйатын харыстабылын устуоруйатыгар киирэр кэрэ-бэлиэ түгэн үүннэ. Ол эбэтэр Үөһээ…
Саха сирин амарах, үтүө санаалаах дьоно тиһигин быспакка анал байыаннай дьайыыга сылдьар, госпиталларга сытар биир…
Мэҥэ Хаҥалас улууһугар Аллараа Бэстээх сэлиэнньэтигэр учаастактааҕы балыыһа үөрүүлээх аһыллыыта буолла. 1200 кв. миэтэрэттэн тахса…
Амма улууһун Олом Күөлүн эргин ардай аһыылаах бөрөлөр баалларын туһунан “Наахара” бааһынай хаһаайыстыбатын баһылыга Егор…
Хаҥалас улууһугар дьахтар бииргэ олорор эр киһитин быһаҕынан анньан эчэтэн, холуобунай дьыала тэрилиннэ. Биир сарсыарда…
Өксөкүлээх Өлөксөй аатынан Норуоттар доҕордоһууларын дьиэтигэр «НовоГОДний лабиринт МультиВСЕленной» диэн оҕо тыйаатырын туруоруутун көрдөрдүлэр. Манна…