ВИДЕО. «Манчаары оонньуулара»: чулуу күрэсчит — Илона Прудникова
12.07.2025, 14:36

Күрэхтэһии түгэннэриттэн
Бөлөххө киир:
Ытык-мааны Таатта сиригэр-уотугар «Манчаары» оонньуулара ыытыллыбыта нэдиэлэ буолла. Бүгүн быһаарыылаах түмүк күн.
Хас күн ахсын түмүк таһаарыллан, бу күн кыайыылаахтарынан кимнээх буолбуттара биллэн иһэр. Билигин А.Е.Турнин аатынан күрэс уораҕайыгар хотугу дэгит күрэскэ күрэсчиттэр илин-кэлин түсүһэ сылдьаллар. Наартаны үрдүнэн ойууга күрэхтэһии күүрээннээҕэ буола турар.


Бу көрүҥҥэ дьахталларга бастыҥ көрдөрүүлээҕинэн билиҥҥитэ Нерюнгри күрэсчитэ Илона Прудникова иһэр. Кини көрдөрүүтэ — 450. Онон Нерюнгри хамаандатыгар табылыннаҕына өссө биир кыһыл көмүс мэтээл кэлиэн сөп. Ол гынан баран, эрдэттэн күөспүтүн өрүммэппит.
«Манчаарыга» хас да көрүҥҥэ кыайыылааҕынан буолбут Илонаны көрсөн кэпсэтиибин манна көрүҥ.
Хаартыскалар, видео: С.Баснаева
Сообщить об опечатке
Текст, который будет отправлен нашим редакторам: