С.Баснаева хаартыскаҕа түһэриитэ
«Манчаары оонньууларынан» бүгүн «Дьулуруйар Ньургун Боотур» стадиоҥҥа саха дэгит күрэһигэр: төрүт оҕунан ытыыга, сүүрүүгэ, хапсаҕайга уонна тааһы көтөҕүүгэ күрэхтэһии буола турар.
Маны сэргэ, А.Е.Турнин аатынан күрэс уораҕайыгар хотугу дэгит күрэскэ: наартаны ойууга күрэхтэһэ сылдьаллар.
Дьэ, хайатыгар да күрэсчиттэр күүстээхтик бэлэмнэнэн кэлбит буоланнар, киирсии сытыы. Бары да тилэхтэрин үктэһэр, эгил-тэгил эриһэр быһаарыылаах чаастара үүнэн эрэр. Сорох түгэҥҥэ ытааһыннаах, саҥата-иҥэтэ суох харах уута халыйан тахсыылаах, муннукка түһүүлээх да түгэннэр суох буолбатахтар. Бэлиэтии көрбүтүм, күрэсчиттэр бары бэйэ-бэйэлэригэр истиҥ, амарах сыһыаннаахтар. Ким эрэ санаата сүөм түспүтү кууһаллар, санныга таптайаллар, күрэхтэһии кэмигэр алҕас туох эмэ тахсыбыт буоллаҕына, бырастыы да гыннарсаллар. Ити да иһин этэн эрдэхтэрэ, күрэс — доҕордоһуу түһүлгэтэ, сомоҕолоһуу диэн.
Мин хапсаҕайга 60 кг Абый курдук ыраах сиртэн бэйэтин баҕатынан анаан-минээн бэтэрээннэргэ күрэхтэһэ кэлбит Михаил Оконешниковы көрсөн кэпсэттим.
— Абыйтан уопсайа 13 күрэсчит кэлбиппит. Хапсаҕайга, мас тардыһыыга уонна үс төгүл үскэ кытынныбыт. Мин санаабар, көрдөрүүбүт куһаҕана суох. Хапсаҕайга маастардары кытта санаабын түһэрбэккэ туох кыахтаахпынан кииристим. Дойдум дьонугар-сэргэтигэр, улууспут, нэһилиэкпит дьаһалтатыгар уонна дьиэ кэргэммэр, биһигини өйүүр дьоммутугар-сэргэбитигэр түгэнинэн туһанан махтанабын, — диэтэ.
Салгыы кини кэпсиирин манна көрүҥ.
Хаартыска, видео: С.Баснаева
Госдуумаҕа «Сиэрдээх Арассыыйа— Кырдьык иһин» фракциятын дьокутааттара үлэ миниистирэ Антон Котяковка этии ыыттылар. Бэлиитиктэр сиэннэрин…
Арассыыйаҕа 60-тан үөһэ саастаах суоппардарга сыһыаннаах быраабылалары кытаатыннарарга этии киллэрдилэр. Бу туһунан 2030 сылга диэри…
Таатта улууһугар Ытык Күөлгэ "Манчаары оонньууларынан" бүгүн ыытыллыбыт хотугу дэгит күрэс кыайыылаахтара быһаарылыннылар. Хотугу дэгит…
РФ Үөрэҕириитин уонна билимин министиэристибэтигэр иһитиннэрбиттэринэн, үрдүк үөрэх саҥардыллыбыт тиһигин киэҥник киллэрии 2027–2028 үөрэх дьылыгар…
Саха сириттэн Арина Аулова «World russian Beauty-2025» Бүтүн Арассыыйатааҕы кэрэ куо куонкуруһугар «Эдэр мисс Арассыыйа-2025»…
Тааттаҕа күрэс төрүт көрүҥнэригэр "Манчаары оонньууларыгар" көрөөччүлэргэ, ыалдьыттарга соһуччу үөрүүлээх бэлэхтэр туттарыллан дьон-сэргэ үөрүүтэ үрдээн…