ВИДЕО: Матасыыкылынан дьахтары түҥнэри көппүт киһини көрдүүллэр

Госавтоинспекция суол быһылаана тахсыбыт сириттэн куоппут матасыыкыллаах эр  киһини көрдүүллэр.

Атырдьах ыйын 23 күнүгэр 00:22 чаас саҕана  Госавтоинспекцияҕа травматологическай пуун диспиэччэриттэн иһитиннэрии киирбит.  Ол курдук суол быһылааныгар эчэйиини ылбыт 1981 с.т. дьахтар травпууҥҥа кэлэн көрдөрбүт.

Бэрэбиэркэ кэмигэр биллибитэ, атырдьах ыйын 22 күнүгэр  22 чаас саҕана Кальвица уулусса 14/1  №-дээх дьиэтин таһыгар,  матасыыкыллаах эр киһи сатыы дьон сылдьар сирдэригэр   1981 с.т. дьахтары түҥнэри көппүт. Итиэннэ быһылаан тахсыбыт сириттэн куоппут.

Госавтоинспекция билигин туһааннаах суол быһылаанын көрбүт дьону көрдүүллэр.

Госавтоинспекция нүөмэрдэрэ: 127, 47-35-69 и 8(999)949-28-12.