Хаартыска: видеоттан скрин.
Мииринэй улууһугар ааспыт өрөбүлгэ түүҥҥү кулууп таһыгар киһи өлүүлээх түбэлтэ буолбута. Манна ыар буруйу оҥорууга уорбаланар 37 саастаах киһини туттулар. Кини Таас Үрэх сэлиэнньэтиттэн чугас баар сиргэ алдьаммыт массыына куусабыгар саһан олорорун буллулар диэн СӨ ИДьМ пресс-сулууспата иһитиннэрэр диэн СИА суруйар.
Эрдэ хаста даҕаны сууттана сылдьыбыт Үөһээ Бүлүү улууһун олохтооҕун Мииринэйгэ бэс ыйын 4 күнүгэр түүҥҥү кулууп таһыгар 20 саастаах уолу саанан ыппытыгар уорбалаан көрдөөбүттэрэ. Буруйу кэһиини кэтээн көрүү камератыгар уһуллубут. Эмсэҕэлээччи ылбыт бааһырыытыттан миэстэтигэр тыына быстыбыт, оттон уорбаланааччы билэр дьонун кытта массыынанан куоппут. Кинилэри тутаары «Перехват» былаанынан үлэлээтилэр. Массыына суоппарын ол күн тута быһаарбыттара.
Өлөрүүгэ уорбаланааччыны бүгүн сарсыарда эрдэ Таас Үрэх сэлиэнньэтиттэн икки килэмиэтир тэйиччи баар Кыстыыр диэн сиртэн быраабы араҥаччылыыр уорган үлэһиттэрэ буллулар. Полиция үлэһиттэрэ кинини Силиэстийэлиир кэмиэтиэккэ тиксэрдилэр.
Эр киһи оҥорбут буруйугар билиннэ, соруйан өлөрүү диэн холуобунай дьыала тэрилиннэ.
Бүтүн Арассыыйатааҕы байыаннай-тактическай «Путь воина» күрэхтэһии икки полуфиналын түмүгүнэн Саха сирин уонна Тюмень уобалаһын «ВОИН»…
Дьокуускайга 35 саастаах дьахтар үлэлиир тэрилтэтиттэн 2,7 мөлүйүөн солкуобайы уоран, холуобунай дьыала тэрилиннэ. ИДьМ Силиэстийэлиир…
Уһун, тымныы кыһыннаах, тыйыс айылҕалаах хоту дойдуга олорор буоланнар, өбүгэлэрбит барахсаттар күөх сайын уунар уйгутуттан…
Бүгүн, балаҕан ыйын 18 күнүгэр, Үөһээ Бүлүүгэ үлэ сырыытынан Ил Дархан Айсен Николаев уонна СӨ…
Алтынньы 3-5 күннэригэр Дьокуускайга "Сулус" полигоҥҥа Сэбиэскэй Сойуус Дьоруойа Федор Охлопков аатынан "Бойобуой снайпинг" дьиссипилиинэҕэ…
Саха омук биир сүрүн уратытынан сылгы иитиитэ буолар. Кырдьыга, Дьөһөгөй оҕото сахаҕа аргыс буолан, тыйыс…