ВИДЕО: Монголияҕа мас-рестлиҥҥэ VII аан дойдутааҕы чөмпүйэнээккэ сэргэ туруордулар

Атырдьах ыйын 1-2 күннэригэр мас-рестлиҥҥэ VII аан дойду чөмпүйэнээтэ ыытыллар АРА-Комплекс иннигэр чөмпүйэнээт сэргэтин туруоруу үөрүүлээх сиэрэ-туома буолла.

Сэттис аан дойдутааҕы чөмпүйэнээт Монголия киин куоратыттан 500 км тэйиччи сытар Архангай аймакка ыытыллар. Күрэхтэһии Мас-рестлиҥҥэ аан дойдутааҕы Федерациятын, Монголия мас-рестлиҥҥэ Федерациятын уонна Архангай аймак олохтоох былаастарын кыттыылаах тэрийиитинэн ыытылынна.

От ыйын 31 күнүгэр спортсменнар ыйааһыннаныылара уонна сэрэбиэйдэрэ буолан ааста. Киирсиилэр бүгүн, атырдьах ыйын 1 күнүгэр, саҕаланыахтара.

Санатан эттэххэ, саха култууратын биллиилээх тарҕатааччыта Александр Павлов Дьокуускайтан Монголияҕа диэри массыынанан айаннаан тиийбитэ. Кинини кытта уоппускатыгар сылдьар хирург Георгий Цыпандин Архангайга сэргэни туруоруса тиийбит. Бу туһунан «Спорт Якутии» ТГ-ханаала иһитиннэрэр.