Хаартыскалары Р.Филиппов ыытта
Өрөспүүбүлүкэ тыатын хаһаайыстыбатын министиэристибэтэ оттооһун былаанын улуустарынан тиэрдэригэр Горнай уонна Кэбээйи улуустарыгар сорох оттуур ходуһалара ууга сытарын туһунан эппитэ.
Горнай улууһа быйыл 12155 туонна оту чөкөтүөхтээх. Оттооһуҥҥа улууска суһал ыстаап тэриллибит. Бу от ыйын 15-20 күннэригэр диэри төһө сир-уот ууга сытарын кэрийэн көрүөхтээхтэр.
— Бэрдьигэстээххэ, Кировскайга сорох кураанах да сирдэрбит инчэҕэй сыталлар. Бэл, ыһыы бааһынатын кытыыта бадараан диэххэ сөп. От үрэҕи этэ да барыллыбат буоллаҕа. Мытаахха Эбэ алааһыгар 7-8 бааһынай хаһаайыстыба оттуур сирэ күөл курдук буолан сытар. Онно урут 400 т оту кэбиһэр этилэр. Манна акт толоруохтаахпыт. Билиҥҥи туругунан үс хаһаайыстыба атын сиргэ барыахпыт дииллэр, онон оттуур сир-уот көрдөнөллөр. Ол курдук, Петр Данилов, Руслан Чемезов бааһынай хаһаайыстыбалара.
Ону тэҥэ маҥарастар Хатаска оттуур сирдэригэр барар былааннаахтар. Бу сарсыҥҥыттан нэһилиэктэринэн кэрийэн улуус баһылыгын отчуота ыытыллар, онно таарыйа оттуур ходуһалары көрүөхпүт, — диэн кэпсээтэ Горнай улууһунааҕы тыа хаһаайыстыбатын управлениетын начаалынньыга Роман Леонидович Филиппов.
Хаартыскаларга:1. Орто Сурт отчуттара окко киирдилэр. 2. Мытаахха оттуур ходуһа. Р.Филиппов ыытта.
«ВОИН» киин Саха сиринээҕи филиалын уон иитиллээччитэ үөрэххэ үрдүк ситиһиилэрин иһин «курсант-гвардеец» диэн үрдүкү ураты…
ЫБММ управлениетыгар икки этээстээх чааһынай олорор дьиэҕэ баһаар тахсыбытын туһунан иһитиннэрии киирбит. Аадырыһа: Сунтаар улууһа,…
2026 сыл тохсунньу 1 күнүттэн Дьокуускайга уопсастыбаннай тырааныспарынан айан төлөбүрэ уларыйда. Билигин куорат иһигэр оптуобуска…
Саҥа сыл бастакы нэдиэлэтигэр сулустар чугас дьоҥҥутугар болҕомтолоох буоларгытыгар сүбэлииллэр. Хой Саҥа сылы саҥа бырайыактарынан…
Саха сирин синоптиктара билгэлииллэринэн, бүгүн, тохсунньу 2 күнүгэр, Саха сирин үгүс улуустарыгар кыратык хаардыа, Өлүөнэ…
Ахсынньыга үөрэх үлэһиттэрин саамай улахан күөн күрэһэ — Бүтүн Арассыыйатааҕы “Сыл учуутала‑2025” күөн күрэс өрөспүүбүлүкэтээҕи…