Хаартыска уонна видео: Елена Потоцкая.
Нам улууһун 1-кы Хомустаах нэһилиэгэр олорор убайдыы балыс Николай уонна Таисия Колесовтар пониттан саҕалаан барааҥҥа тиийэ араас дьиэ сүөһүтүн иитэллэр.
Карлик оҕус “Винни-Пух” туһунан сырдаппыппытын “Саха сирэ” хаһыат саайтын ааҕааччылара бэркэ сэргээтилэр. Кырачаан оҕустан анаалыс ылан баран, аны хоту дойду маанылаах сүөһүтүгэр табаҕа чугаһаатыбыт. Муоһа үүнэн, төрөлүйэн, дьэ, таба да таба!
Бу табаны Алдантан кэлэ сылдьар дьон 15 тыһыынча солкуобайга сыҥалаабыттар. Николай Колесов көрөөт да, «уһуо суох…» диэбит. Барахсан аччыктаан, ыран, тыына кылгаан баран сытара үһү. Кыһыны атаарыы бырааһынньыгар понинан оҕолору хатааһылата сылдьар киһи сүөһүгэ сыһыана олох атынын бэлиэтээн, босхо биэрбиттэр. «Дохуоттаннаххына билсээр, суох буоллаҕына, суох» диэн буолбут. Колесовтар бэрт уустук усулуобуйаҕа, онтон-мантан лабыкта булан, эбии аһатан, бэттэх аҕалбыттар. Убайдыы балыс Николай уонна Таисия Колесовтар иитэр сүөһүлэригэр олус кыһамньылаахтык сыһыаннаһаллар. Санаан көрүҥ, киин улуус хоту дойду курдук лабыктанан тэлгэнэ сыппата биллэр. Ону ол диэбэккэ, сыралаах үлэлэринэн охтон эрэр табаны улаатыннаран, дьон сөҕө көрөр дьиэ сүөһүтэ оҥордулар. «Киин улууска улааппыт таба бөдөҥ, хараҥа өҥнөөх, төрөлкөй буолар эбит» диэн хотуттан сылдьар табаарыстара бэлиэтииллэр эбит. Оттон барааннарын шашлыктаары атыыласпыт күннээх Кавказ уолаттара «Саха сирин барааннара бөдөҥнөр эбит ээ, биһиэннэрэ — бытархайдар» дииллэр үһү. Арааһа, ол кистэлэҥэ — хас биирдии сүөһүлэригэр 1-кы Хомустаах Дьөгүөрдээннэрэ — Колесовтар илиилэрин сылааһын, дууһаларын биэрэн туран көрөллөрүгэр-истэллэригэр буолуо…
Сиһилии Колесовтар араас экзотическай сүөһүнү иитэллэрин туһунан “Саха сирэ” хаһыат сарсыҥҥы, бээтинсэтээҕи нүөмэригэр ааҕыҥ.
Хаҥалас улууһун Мохсоҕоллоох бөһүөлэгэр бойобуой дьайыылар, локальнай сэриилэр, байыаннай дьайыы бэтэрээннэригэр анаммыт стела үөрүүлээх быһыыга-майгыга…
Тымныы түһэрин кытта гараастарга баһаар ахсаана элбиир. Аҥардас алтынньы саҕаланыаҕыттан Саха сиригэр 16 уот турбута…
2025 сыл үс кыбаарталын түмүгүнэн энергетиктар өрөспүүбүлүкэ Арбитражнай суутугар 662 мөлүйүөн солкуобайтан тахса суумалаах 502…
Алтынньы 19 күнүгэр Сахабыт сиригэр Ийэ күнэ бэлиэтэнэр. Ийэ күнүн көрсө киин куораппытыгар элбэх кэнсиэртэр…
Өлөөн улууһугар бэҕэһээ бөртөлүөт көтөн, сүппүт табалары булууга көмөлөстө. Бүгүн “Өлөөн” МУП зоотехнига Марина Николаева…
Саха сиригэр дьон үксэ ипэтиэкэ көмөтүнэн дьиэ-уот оҥостор. Соторутааҕыта “Тыа сирин ипэтиэкэтэ” (“Сельская ипотека”) диэн …