ВИДЕО: Нерюнгрига «Антивейп» рейдэ — 1,8 мөл. солк. табаар былдьанна

Саха сирин Норуодунай фрона полиция үлэһиттэрин кытта Нерюнгри куоракка «Антивейп»  аахсыйаны тэрийэн ыытта.

Карл Маркс уулуссаҕа маҕаһыыны бэрэбиэркэлиир кэмҥэ сокуону кэһии түбэлтэлэрэ булулунна: сааһын ситэ илик оҕоҕо никотиннаах бородууксуйаны атыылаабыттар уонна «Честный знак» бэлиэтэ суох контрафактнай табаарынан эргинэллэрэ биллибит.

Бэрэбиэркэ түмүгүнэн уопсайа 1,8 мөлүйүөн солк. суумалаах табаар былдьанна. Ону таһынан, оҕолорго табаҕы атыылааһын чахчытынан бэрэбиэркэ саҕаланна.

«Маннык маҕаһыыннар – биһиги ыччаппыт доруобуйатыгар улахан кутталы үөскэтэллэр», – диэн Норуодунай фронт пресс-сулууспата суруйар. Саха сирин Норуодунай фрона эбээһинэстэригэр эппиэтинэһэ суохтук сыһыаннаһар атыыһыттары булууга үлэтин салгыы ыытыаҕа.