Хаартыска: ЯСИА
Атырдьах ыйын 24-27 күннэригэр Дьокуускайга эр дьон уонна дьахталлар икки ардыларыгар нуучча дуобатыгар Саха сирин чөмпүйэнээтэ ыытыллыаҕа.
Тэрээһин Өрөспүүбүлүкэтээҕи саахымат-дуобат киинигэр буолуо диэн Физкултуураҕа уонна маассабай успуорка управление пресс-сулууспата иһитиннэрэр.
Быйыл эр дьоҥҥо чөмпүйэнээт 80-с, оттон дьахталларга — 54-с төгүлүн ыытыллар. «Буолаары турар чөмпүйэнээккэ өрөспүүбүлүкэ бары күүстээх дуобатчыттарын көрүөхпүт. Кинилэргэ бу балаҕан ыйын 19-с күнүттэн алтынньы 1-гы күнүгэр диэри Сочига ыытыллар бөдөҥ күрэхтэһиилэргэ — Арассыыйа нуучча дуобатыгар чөмпүйэнээтигэр, сүүс харахтаах дуобакка Арассыыйа Куубагар, ону тэҥэ Бүтүн Арассыыйатааҕы күрэхтэһиилэргэ бэлэмнэнэр сүрүн түһүмэҕинэн буолар. Ону таһынан, турнир түмүгүнэн бастыҥ кыттааччылар өрөспүүбүлүкэ сүүмэрдэммит хамаандатын хандьыдааттарын ахсааныгар киириэхтэрэ, онон чаҕылхай оонньуулар буолуохтара», — диэн Өрөспүүбүлүкэтээҕи саахымат-дуобат киинин дириэктэрэ Матрена Ноговицына бэлиэтээтэ.
Чөмпүйэнээт IDF бастакы хаамыыларын уонна позицияларын сэрэбиэйдиир табылыыссатын туһанан, икки партиялаах «микроматч» систиэмэтинэн ыытыллыа. Күрэхтэһии швейцарскай систиэмэнэн барар. Кыайыылаахтар уонна призердар мэтээллэринэн, кырааматаларынан уонна анал бириистэринэн наҕараадаланыахтара.
Айсен Николаев Уһук Илин сайдыытын социальнай-экэнэмиичэскэй боппуруостарын РФ Бырабыыталыстыбатын хамыыһыйатын сүбэ мунньаҕар кыттыыны ылла. Ол…
Халлаан арыый сылыйда да Дьокуускай куорат кытыы уулуссаларынан бэйдиэ сылдьар ыт ахсаана элбээн барар. Бүгүн…
Кырачаан Айыына Кожурова бэйэтин уонна дьиэ кэргэнин туһунан видеоҕа уһулан олус сэргэхтик уонна холкутук кэпсиирин,…
Ааспыт сууккаҕа Саха сиригэр буруйу оҥоруу биэс түбэлтэтэ тахсыбыт. Манан процессуальнай бэрэбиэркэни ыытыыны уонна холуобунай…
Үөрэх үлэһиттэрин тохсунньутааҕы мунньаҕар өрөспүүбүлүкэҕэ педагогическай каадыр боппуруоһун быһаарыыга түөрт тус-туспа тиэмэлээх блоктан турар «Кадровая…
Саха Өрөспүүбүлүкэтин норуот маастара, Духуобунас академиятын академига, П.А. Ойуунускай аатынан Судаарыстыбаннай бириэмийэ лауреата, Култуура үтүөлээх…