ВИДЕО: Олоҥхо ыһыаҕар «аттар» уонна «табалар» сөхтөрдүлэр

Бүгүн, от ыйын 4 күнүгэр, Олоҥхо ыһыаҕын аһыллыытыгар Нерюнгри куорат олохтоохторо кыратыттан улаханыгар тиийэ араас көлүөнэ дьон кыттыыны ыллылар.

Көрөөччүлэр театрализованнай көстүү кэмигэр онтон-мантан сүүрэн тахсар бэрт элбэх артыыһы көрө-көрө сөҕөн-махтайан, ытыс тыаһын бэлэхтээтилэр. Ордук «аттар» уонна «табалар» сөхтөрдүлэр.

Бу устудьуоннар, оскуола оҕолоро уонна куорат араас тэрилтэлэрин үлэһиттэрэ. Кыттааччылар бэйэлэрэ бэлиэтээбиттэринэн, холобура, аҥардас ГРЭС-тэн 150 киһи кыттыбыт. Оттон оскуола оҕолорун этэ да барбаккын. Онон нерюнгрилэр бары ыһыахтартан маассабайдарынан аатырдылар. Оттон Таастаах «Амиканын» туһунан — туспа ырытыы буолуоҕа.