Хаартыска: www.sakha.gov.ru
“Б8” акселерационнай бырагыраама Саха сирин уонна Казахстан оонньууну оҥорооччуларын түмтэ. Үс нэдиэлэ устата 35 сайаапка киирбитэ. Акселерация аһыллыытыгар сүүмэрдээһини ааспыт 12 хамаанданы биллэрдилэр. Аҕыс нэдиэлэ устата кинилэр видео оонньууну оҥорууга, нейро ситими туһаныыга уонна бэйэлэрин оонньууларын билиһиннэрэргэ үөрэниэхтэрэ.
“Видео оонньуу эйгэтин сайыннарыыга Саха сирин уопутун казахтар олус сэргээтилэр. Акселератор көмөтүнэн биһиги күүстээх хамаандалары булар, кинилэр оҥоһуктарын киэҥник тарҕатар кыахтаныахпыт. Саха сириттэн уонна Казахстантан оонньуон баҕалаах стартаптар бары кытыннылар”, – диэн Бырабыыталыстыба бэрэссэдээтэлин солбуйааччы Анатолий Семенов бэлиэтиир.
Саха сирин бырайыактарыттан акселераторга Cryolite Games HAAR, «Архитектура Реальности» хамаандаттан «Хара Мыраан»; Quaternion Games, Darkhan Kirpiche хамаандаттан Way to Valhalla; And some Teriyaki хамаандаттан Б.О.О.Т. Р. (Боевой Отряд Особого Тактического Реагирования), Skyones Team хамаандаттан Deadlost оонньуу бырайыактара киирдилэр.
Казахстан Өрөспүүбүлүкэтиттэн акселераторга Arcane Path команды Stygian Games, Underground команды Lithium Games, Let’s Beer Together команды Some Games, Untold Tales: A Scarlet Way команды Not Friendly Games, Alien Planet Survivor команды «Сансоло», проект Red Light: Escape from the Past команды Daetern Games оонньуулар кытталлар.
“Биллэрин курдук, оонньуу эйгэтигэр саамай уустуга – бу стартап. Онон акселераторга кыттыы оонньууну оҥорууга ылсан эрэр хампаанньаларга улахан кыаҕы биэрэр. Акселератор иитинэн кинилэр оҥорон таһаарбыт оонньууларын тарҕатыыга, нейро ситими үөрэтиигэ, о.д.а. үөрэнэллэр. Хамаандалары кытта араас дойдулар ооньууну оҥорооччуларын биллэр-көстөр эспиэртэрэ ыкса ситимнээх үлэлэһиэхтэрэ”, – диэн Б8 видеонан оонньуу акселераторын бырагыраамалыыр дириэктэрдэриттэн биирдэстэрэ Петр Гоголев этэр.
Сэтинньи 12 күнүгэр Дьокуускайга “Сыыппара алмааһа” үһүс федеральнай пуорумҥа кыттааччылар видео оонньууларын барылын билиһиннэриэхтэрэ. Көрдөрөр күн ахсынньы бастакы аҥаарыгар Астанаҕа буолуоҕа. Кыайыылаахтары ботуччу суумалаах харчынан бириистэр күүтэллэр.
СӨ Инновационнай сайдыытын пуондата, “Якутия” венчурнай хампаанньа, “Дьокуускай” ИТ паарка итиэннэ Казахстаннааҕы Omnium интерактивнай технологиялар уонна үөрэх бырагырааматын киинэ тэрийэн ыыталлар. Сүрүн бииргэ үлэлэһэр тэрилтэнэн Саха сириттэн төрүттээх аан дойдуга тиийэ биллэр Mytona хампаанньа, ону тэҥэ, Ykt.Ru өҥөлөр систиэмэлэрэ буолар.
Ил Дархан уонна Бырабыыталыстыба пресс- сулууспата.
Гавриил Спиридонович Угаров-Эһээ Дьыл ХИФУ бэрэпиэссэрэ, биология билимин дуоктара, фантаст-суруйааччы. Ытык киһи Эһээ Дьыл диэн…
Ил Тумэҥҥэ ыытыллыбыт парламент истиилэригэр бэйэ оҥорон таһаарар бородууксуйатын элбэтии кыһалҕаларын уонна кэскилин дьүүллэстилэр. Мунньаҕы…
Тохсунньу 1 күнүгэр киин куоракка Курнатовскай аатынан уулуссаҕа Toyota Succeed массыына 55 саастаах суоппара утары…
Күн-дьыл туруга бу күннэргэ хайдаҕый? Төһө тымныйарый? Өрөспүүбүлүкэ хотугулуу-арҕаа, арҕаа, соҕуруулуу-арҕаа улуустарыгар кыралаан кыралаан хаардыыр.…
2025 сылга болдьоҕо бүтэр суоппар дастабырыанньата үс сылга диэри уһатыллан биэрэр. Бу туһунан Госавтоинспекция пресс-сулууспата…
Хатас олохтооҕо Полина Ефремова быйылгы харыйатын бэйэтэ оҥорбут куукулаларынан симээбит. “Тэлэбииһэринэн “Саха сатаабата суох” биэриигэ,…