ВИДЕО: Оскуола оҕолоро Улуу Кыайыы күнүн уруйдуу көрсөллөр

Улуу Кыайыы күнүн иннинэ өрөгөйдөөх бырааһынньыгын иннинэ Дьокуускай куорат 13-с №-дээх оскуола учууталлара, үөрэнээччилэрэ уонна төрөппүттэрэ «Вахта Памяти» кытыннылар.

Үөрүүлээх тэрээһин Кыайыы Знамятын таһаарыыттан уонна өрөгөй ырыатыттан саҕаланна. Бүтүн Арассыыйатааҕы «Өлбөт үйэлээх полк» колоннатын иннигэр Сэбиэскэй сойуус Дьоруойдарын уонна бэйэлэрин өрөспүүбүлүкэлэрин национальнай дьоруойдарын хаартыскаларын тутан араас омук бэрэстэбиитэллэрэ, оҕолор сэлэлээн хаамтылар.

Мустубут дьон иннигэр оскуола дириэктэрэ, анал байыаннай дьайыы кыттыылааҕа Иосиф Слепцов тыл эттэ. Кини Аҕа дойду көмүскээччилэрин уонна Аҕа дойду Дьоруойдарын ытыктыыр, өйдүү-саныы сылдьар ытык иэспит буоларын, үүнэр көлүөнэни патриотизм тыыныгар иитии улахан суолталааҕын бэлиэтээтэ.

Салгыы М.Е. Николаев аатынан 40-с №-дээх орто оскуола дириэктэрэ Галина Васильева, Промышленнай уокурук салайааччыта Семен Иванов уонна Дьокуускайдааҕы ГРЭС дириэктэрэ Андрей Плахин эҕэрдэ тыллары этилэр. Кинилэр Ийэ дойду көҥүлүн уонна тутулуга суох буоларын туһугар охсуспут дьоммут дьоруойдуу хорсун быһыыларын өйдүү-саныы сылдьарбыт наадалааҕын бэлиэтээн эттилэр.

6 «Б» кылаас оҕолоро Татьяна Назаренко-Матвеева «Герои города», 10-11 кылаастар үөрэнээччилэрин уонна учууталлар хордара «День Победы» диэн ылбаҕай ырыаларын бэлэхтээтилэр. Оскуола дириэктэрэ Иосиф Михайлович уонна учууталлара Галина Прокопьевна, Семён Юрьевич, Андрей Александрович, анал байыаннай дьайыыга кытта сылдьан сырдык тыына быстыбыт, оскуола выпуснина Богдан Горбунов ийэтэ – Ангелина Владимировна «Наши герои» стеллаҕа сибэкки дьөрбөтүн уурдулар.

Ийэ дойдубут көҥүлүн туһугар сырдык тыыннарын толук уурбут дьорурйдар үтүө ааттарын кэриэстээн тохтобул мүнүүтэтигэр иһийэн турдулар. Үөрүүлээх тэрээһин Кыайыы вальсынан түмүктэннэ.