ВИДЕО: Покровскайга оҕолор маҕаһыыны халаабыттар уонна уоттаабыттар

Покровскайга аҕыстан уон иккигэ диэри саастаах алта оҕо ас-үөл маҕаһыынын халаабыттар уонна уоттаабыттар. Бу туһунан СӨ ИДьМ пресс-сулууспата иһитиннэрдэ.

Быһылаан алтынньы 28 күнүгэр Ксенофонтовтар  аатынан уулуссаҕа баар маҕаһыыҥҥа тахсыбыт. Оскуола үөрэнээччилэрэ гаастаах утаҕы уонна минньигэс астары уорбуттар.

Манан муҥурдаммакка, олортон биирдэстэрэ атыы-эргиэн саалатыгар чипсы паачкатын уоттаабыт. Атыыһыт икки оҕону тохтоппут, атыттар түөрдэ куотан тахсыбыттар. Уоту баһаарынайдар кэлиэхтэрин иннинэ умулларбыттар. Кэлин полиция алта үөрэнээччи кимнээхтэрин быһаарбыт. Кэнники быһаарыллыбытынан, олортон биирдэстэрэ  урут учуокка турбатах эбит. Билигин ити дьыаланан улуус дьаһалтатын иһинэн үлэлиир сокуону кэспит оҕолор дьыалаларыгар хамыыһыйа дьарыктаныаҕа. Оҕолор төрөппүттэрэ иитэр эбээһинэстэрин толорботохторун иһин административнай эппиэтинэскэ тардыллыбыттар. Хоромньуну толуйуу боппуруоһа гражданскай бэрээдэгинэн быһаарыллыаҕа.