ВИДЕО: Саха сиригэр хороонноруттан дьааттаах эриэн үөннэр тахсыбыттар

Саха сиригэр 9 ый кэнниттэн хороонноруттан уһуктубут эриэн үөннэр тахсыбыттар. Соторутааҕыта эриэ үөннэри видеоҕа уһулан Өлүөхүмэ оройуонун олохтоохторо тарҕаппыттар. Бу туһунан СИА-ҕа биолог, «Якутия» технопарк резидена Евгений Попов кэпсээтэ.

«Саха сиригэр Кыһыл кинигэҕэ киллэриллибит эриэн үөн биир эрэ көрүҥэ баар. Моҕойдор Өлүөхүмэ, Ленскэй уонна Хаҥалас оройуоннарыгар бааллар. Кэлиҥҥи сылларга миэстэлэрэ уларыйа илик. Сааскы халаан уутун кэмигэр эриэн үөннэр Дьокуускай таһыгар Өлүөнэ өрүс сүүрүгүнэн бэрэбинэлэргэ олорсон устан кэлиэхтэрин сөп. Ол гынан баран, киин куоракка кинилэргэ олус тымныы, онон олохсуйар кыахтара суох», — диэн учуонай кэпсээтэ.

Гадюкалар кутуйаҕынан, баҕанан, ардыгар сорох көтөрдөр сымыыттарынан аһылыктаналлар. Устатынан ортотунан 90 см тиийэр — атырдьах ыйын бүтүүтэ-балаҕан ыйын саҥатыгар сир анныгар 40 см дириҥҥэ ыам ыйыгар диэри утуйаллар.

«Гадюка – дьааттаах сүлүһүннээх. Саас дьаата күүһүрэр. Ол эрээри маннык эриэн үөнтэн киһи өлбүт түбэлтэлэрэ олус сэдэх – аан дойду үрдүнэн биир эбэтэр икки эрэ», — диэн Евгений Попов сэрэттэ.