ВИДЕО: Саха сиригэр сэдэх көтөрдөрү көрдүлэр

Саха сиригэр чааһынай дьиэ тиэргэнигэр Кыһыл кинигэҕэ киллэриллибит икки Уһук Илин кроншнеп көтөрдөрү видеоҕа устубуттар.

Каадырга икки көтөр учаастакка от үрдүнэн холкутук, биир тэҥник хаамса сылдьаллар. Видеоны «Охота и рыбалка» ТГ-ханаалга тарҕаттылар. Кроншнептар уһун, сытыы уонна аллараа диэки токур тумустаахтар. Ол тумустарын көмөтүнэн маардарга кыра балыгы, күлгэрини уонна да атыны тутан аһылыктаналлар. Саха сиригэр кроншнеп көтөр икки көрүҥэ үөскүүр: Уһук Илин кроншнеп уонна кыра кроншнеп. Эттэрэ-сииннэрэ улахана 60 см кэриҥэ, оттон кынатын далааһына биир миэтэрэҕэ тиийэр. Кыра кроншнептар 30 см диэри улааталлар, оттон кынаттарын далааһына аҥаар миэтэрэ кэриҥэ буолар.