Хаартыска видеоттан скриннэннэ
Бүгүн Мииринэй оройуонугар баар «Саха сирин тыыннаах алмаастара» пааркаҕа («Живые алмазы Якутии») пааркаттан үөрүүлээх сонун кэллэ. Бу күннэргэ пааркаҕа вольерга олорор павлин көтөр алта оҕону күн сирин көрдөрдө.
Павлин – аан дойдуга биир саамай кэрэ көстүүлээх көтөрүнэн биллэр. Бу көтөр кутуругун саратан, дьоһуннаахтык хаамарын киһи эрэ астына, манньыйа көрөр, онон паарка биир киэн туттуутунан буолар диэн «Саха сирин тыыннаах алмаастара» паарка иһитиннэрэр.
Павлиннар бэс ыйын 21 күнүгэр төрөөбүттэр. Бу күннэр усталарыгар ийэ павлин оҕолорун туора киһи хараҕыттан кистээн баттаан сыппыт.
Павлин оҕолоро вольер үрдүттэн түһэн, кыһамньылаах ийэлэрин кэнниттэн батыһа сүүрэллэр. Бу соһуччу түгэн экологтарыгар, паарка үлэһиттэригэр долгутуулаах буолла.
«Биһиги кинилэр тустарыгар долгуйбуппут, ол гынан баран павлин оҕолоро сатабыллаахтык хамсанан, өрө көтөҕүллэн, ийэлэрин кэнниттэн аан дойдуну кэрийэ хаамсаллар. Көтөр оҕолоро улаатыахтарыгар, күүс-уох ылыахтарыгар диэри ийэ павлин хараҕын далыгар сылдьаллар, быстах кэмҥэ куттала суох хааччахха тутуллаллар. Быйыл бу бастакытын павлин төрөөтө, онон биһиэхэ долгутуулаах түгэн, үөрүүбүт үгүс», — диэн пааркаҕа үөрүүлэрин үллэстэллэр.
Бу ураты каарта оҕолорго төрөөбүт дойдуларын дириҥник өйдүүргэ уонна умнуллубат өйдөбүллэри бэлэхтиэҕэ. Манна Саха сирин…
Соторутааҕыта Ыксаллаах быһыы-майгы министиэристибэтин 35 сылыгар аналлаах тэрээһин Уһук Илин бастыҥ баһаарынайдарын түмтэ. Бу туһунан…
От ыйын 3 күнүттэн 5 күнүгэр диэри Нерюнгрига өрөспүүбүлүкэтээҕи Олоҥхо ыһыаҕа ыытылларынан сибээстээн, арыгыны атыылааһыҥҥа…
От ыйын 4-8 күннэригэр Дьокуускайдааҕы VIII норуоттар икки ардыларынааҕы киинэ бэстибээлэ ыытыллыаҕа. Быйылгы бэстибээл сүрүн…
Өлүөхүмэҕэ саҥа оҕо поликлиникатын үөрүүлээхтик астылар. Урут поликлиника 1980-с сыллардааҕы дьиэҕэ баар эбит. Билигин тэрилтэҕэ…
Дьокуускай куорат уокуругун үс оскуолатыгар саҥа дириэктэрдэр ананнылар. Дьокуускай куорат 17-с №-дээх орто уопсай үөрэхтээһин…