Хартыысканы Саргылана Яковлева тиксэрдэ
От ыйын 9 күнүгэр Москва куоракка Императорскай яхт-клуб иһинэн Арассыыйа бастыҥ почтальоннарын чиэстээтилэр.
Үөрүүлээх тэрээһин дойду үрдүнэн бэлиэтэнэр Арассыыйа буостатын күнүн көрсө ыытылынна. Тэрээһин кэмигэр «Почта России» АУо эрэгийиэннээҕи салааларын үлэһиттэрэ Бочуотунай грамоталары, махтал суруктары туттулар, ону таһынан «2024 сыл бастыҥ почтальоннарын» наҕараадалаатылар.
Бастыҥнар кэккэлэригэр биһиги биир дойдулаахпыт, Үөһээ Бүлүү улууһун Кэнтик нэһилиэгин №678230 нүөмэрдээх почта сибээһин салаатын почтальона Саргылана Яковлева «2024 сыл Арассыыйа бастыҥ почтальона» үрдүк ааты ылары ситистэ.
«Кэлэктииппэр, салайааччыларбар үлэбин үрдүктүк сыаналаабыттарын иһин махтанабын. Ону тэҥэ, хаһыаттары, сурунааллары сурутар дьоммор, чугас килийиэннэрбэр ис сүрэхпиттэн махтал тылларын тиэрдэбин. Биһиги үлэбит-хамнаспыт Хабаровскайтан хонтуруолланар. Саха сирин кэлэктиибин уонна буоста үлэһиттэрин ааттарыттан «Почта России» генеральнай дириэктэригэр Михаил Юрьевич Волковка Үөһээ Бүлүү буостатын 100 сыллаах үбүлүөйдээх кинигэтин туттардым. Биһиги үлэбитин-хамнаспытын көрөллөрүн, бэлиэтииллэрин уонна наҕараадалыылларын иһин олус үөрэбин», — диэн үөрүүтүн үллэһиннэ Саргылана Яковлева.
Дойду Бэрэсидьиэнэ Владимир Путин сылы түмүктүүр пресс-кэмпириэнсийэтигэр тыһыынчанан ыйытыы киирэр. Онтон биирдэстэрин мэдиссиинэ университетын 5-с…
Владимир Путин Саха сириттэн төрүттээх Арассыыйа Дьоруойа Андрей Григорьев туһунан киинэни өйүүрүн биллэрдэ. Саха сириттэн…
Арассыыйаҕа саҥа дьиэни үлэҕэ киллэрии кээмэйэ 2025 сыл түмүгүнэн былырыыҥҥытааҕар кыратык аччыаҕа уонна 103-105 кв.м.…
Арассыыйа Бэрэсидьиэнэ Владимир Путин сыл түмүктэрин таһаарар быһа эпииригэр киниттэн NBC суруналыыһа Кир Симмонс, Москва…
“Владимир Путины кытта сыл түмүктэрэ” бырагыраама судаарыстыба баһылыгын улахан пресс-кэмпириэнсийэтэ уонна быһа лииньийэтин ситимниир “Владимир…
Дойду Бэрэсидьиэнэ Владимир Путин сыл түмүктэрин таһаарар быһа эпииригэр, НДС-ка түһээн үрдээһинин сыала-соруга бүддьүөт тэҥнэһиитин…