ВИДЕО: Туртас камера «хараҕынан»

Ураты харыстанар айылҕа сирдэрин-уоттарын дирекциятын үлэһиттэрэ Нам улууһун уопсай туһаныы сирдэригэр туруоруллубут «фотоловушкаларынан» түһэриллибит хаартыскалары уонна видеолары таһаарарын салгыыр. Бу туһунан «Заповедная Якутия» ТГ-ханаала иһитиннэрэр.

Бу сырыыга камера «хараҕар» туртас хаартыскаҕа «хатанна».  Туртас – чэпчэки уонна нарын-намчы эттээх-сииннээх кырачаан таба буолар. Сайынын бу кыыл чаҕылхай кытархай дьүһүннэнэр, ол сайыҥҥы күөх айылҕа ортотугар уратытык көстөр.