ВИДЕО: Сэтинньи тымныытын сөтүөһүттэр ойбоҥҥо көрүстүлэр

Дьокуускай моржтара куорат пляһыгар үгэскэ кубулуйбут ойбоҥҥо сөтүөлээһиннэрин оҥордулар. Тэрийээччилэр ЯСИА-ҕа иһитиннэрбиттэринэн, бу тэрээһин «Кыһын Саха сириттэн саҕаланар» бэстибээл чэрчитинэн ыытылынна.

«Кыһын Саха сириттэн саҕаланар» бэстибээл кэмигэр ойбоҥҥо сөтүөлээһин үтүө үгэскэ кубулуйда. Бу бэстибээл ураты брэндэ буолар, кини элбэх киһини, ордук омук дойдуларын ыалдьыттарын, сөхтөрөр. Оттон биһиэхэ моржевание – чэгиэн олох ньымата уонна Саха сирин олохтоохторун кутун-сүрүн бэлиэтэ», — диэн кэпсээтэ Саха сирин кыһыҥҥы харбааһын федерациятын чилиэнэ Егор Дегтярев.

Кыттааччылар бэлиэтииллэринэн, уу температурата сыл устата нуултан арыый үөһэ турар, оттон моржевание киһи этин-сиинин кистэлэҥ кыахтарын арыйарга көмөлөһөр.

«Сүрүнэ – систиэмэлээхтик дьарыктаныы: бэлэмэ суох ойбоҥҥо түһэр сүбэлэммэт. Биһиги араас күн-дьыл туругар харбыыбыт, –40С кыраадыска да түбэһэр, ол эрээри хас сөтүөлээтэх аайы эрчими, доруобуйаны уонна үтүө настырыанньаны ылабыт», — диэн сөтүөлээһин кыттыылаахтара эбэн эттэлэр.