Ангелина Васильева түһэриитэ
Спортивнай федерацияларга өрөспүүбүлүкэ бүддьүөтүттэн субсидиялары туттардылар. 2023 сылга 31 спортивнай түмсүү кыайан, субсидиялары ылбыта. Быйыл 25 спортивнай федерация кыайда.
Сергей Местников, бырабыыталыстыба бэрэссэдээтэлин солбуйааччы:
— Былырыыҥҥыттан бырабыыталыстыба сыл аайы спорт көрүҥнэрин сайыннарар федерациялары үбүлүүргэ быһаарыыны ылыммыта. Спорт устуоруйатыгар бу бастакы холобур буолар, өрөспүүбүлүкэ бүддьүөттэн коммерческайа суох тэрилтэлэри үбүлүүр эбээһинэһэ суох. Спорду тарҕатыыга федерациялар үгүс үлэни ыыталлар, ол иһин үбүлүүргэ быһаарбыппыт. Быйыл биэрии бэрээдэгэ уларыйда. Эһиги бу үбү сөптөөх сыалга туһанан, тэрээһиннэри ыытан, элбэх дьону тардаргытыгар баҕарабыт. Сүүһүнэн дьону тардыахтааххыт. Туох үлэни ыыппыккытын, туох көдьүүстээх буолбутун отчуоттуоххут. Ол түмүгүнэн, эһиилги үбүлээһин быһаарыллыаҕа. Федерация үчүгэй үлэни ыыппатаҕына, хомойуох иһин, субсидия тохтуур. Сыалгытын ситиһиэххит диэн эрэнэбин, — диэн эттэ.
Гаврил Мохначевскай, спорт, физкультура миниистирин солбуйааччы:
— Быйыл 39 федерация сайаапка биэрбититтэн, үс категориянан 25 федерация кыайда. Өрөспүүбүлүкэҕэ барыта 70 аккредитациялаах федерация үлэлиир. Былырыын кыайбыт федерациялар 500 тыһ.солк. уонна 1 мөл.солк. ылбыттара. 1 категорияҕа спорт бойобуой көрүҥнэригэр 5 федерация, иккис, үһүс категорияларга 10-нуу федерация ылыаҕа. Спорду маассабайдык, өссө хаачыстыбалаахтык сайыннарыахпыт диэн эрэнэбин! — диэн бэлиэтээтэ.
Салгыы Сергей Местников кыайыылаахтарга сэртипикээттэри туттарда. 3 мөл.солк. суумалаах сэртипикээттэри футбол, мас-рестлинг, баскетбол, хайыһарга, чэпчэки атлетикаҕа федерациялара ыллылар. Маны тэҥэ, атыттарга 1 мөл.солк. уонна 500 тыһ.солк. суумалаах сэртипикээттэри туттардылар. Федерациялар салайааччылара махтаннылар, үлэбитигэр улахан көмө буолар диэн бэлиэтээтилэр.
Бу күн »Туймаада» стадиоҥҥа өрөспүүбүлүкэҕэ спортивнай хамсааһыны төрүттээччи Н.Н. Тарскай төрөөбүтэ 100 сылыгар анаммыт истиэндэни уонна пааматынньыгы арыйыы сиэрэ-туома ыытылынна.
Дьокуускай куорат борокуратуурата 35 саастаах киһи холуобунай дьыалатыгар судаарыстыбаннай буруйдааһыны өйөөтө. Бу сууттаммыт киһи өлөрүүгэ…
Бүгүҥҥүттэн Дьокуускай куоракка Саха Өрөспүүбүлүкэтин муниципальнай тэриллиилэрин бэрэстэбиитэллээх уорганнарын дьокутааттарын III сийиэһэ саҕаланна. Сийиэс икки…
РФ билимин, үрдүк үөрэҕин министиэристибэтэ 2026-2027 үөрэх дьылыгар министиэристибэ иһинэн үлэлиир үрдүк үөрэх кыһаларыгар тутарсарга,…
Федеральнай ханаал бырагырааматыгар Саха сиригэр олорор дьахтар төрүүр дьиэҕэ оҕотун уорбуттарын туһунан кэпсээтэ. Бу түмүгүнэн…
- «Улуу Кыайыы айымньылара » рубрикаҕа сэрии дьон дьылҕатынан оонньуурун туһунан Прокопий Чуукаар «Дьол хараҕын…
Арассыыйа бэрэсидьиэнэ Владимир Путин «Сахатранснефтегаз» национальнай ньиэп уонна гаас хампаанньатыгар тус махталын биллэрдэ. Туһааннаах дьаһал…