Видео: Сунтаар оҕото — «Ералаш» киинэ-сурунаалга

Киин тэлэбиидэнньэнэн номнуо уонунан сыллар тухары көстөр  «Ералаш» диэн күлүүлээх  тэттик киинэлэри  кыралыын-улаханныын сөбүлээн көрөбүт. Бу киинэ-сурунаалга  Сунтаардааҕы политехническэй лиссиэй-интэринээт сэттис кылааһын үөрэнээччитэ Давид Зорин номнуо үсүһүн уһулунна.

Сунтаар улууһун дьаһалтатын пресс-сулууспата иһитиннэрбитинэн, Давид Зорин  улахан сүүмэрдээһини ааһан, «Ералаш» киинэ-сурунаалга оонньообут.  Ол курдук Давиды Сочи куоракка «Шаг в будущее» научнай-практическай кэмпириэнсийэҕэ  кытта сырыттаҕына биллиилээх кинематографтар бэлиэтии көрөннөр, киинэ-сурунаалга уһулларга ыҥырбыттар.  Давид үс киинэҕэ сүрүн оруолу толорбут.

Давид кыра эрдэҕиттэн науканы уонна бэлиитикэни интэриэһиргиир буолан, улааттаҕына дипломат буолар ыра санаалаах.  Маны таһынан физиканы, биологияны сөбүлүүрүн таһынан, омук тылынан холкутук кэпсэтэр.

@suntaar_ulus