ВИДЕО: Сунтаар ыһыаҕар кутаналар ураһаларыгар ыалдьыттаан аастым…

Сунтаар Ыһыаҕар быйылгыттан нэһилиэктэр түһүлгэлэрин биир сиргэ түмпүттэр.

Бу 26 нэһилиэк ураһаларыгар киирбит киһини уохтаах кымыһынан, арыылаах алаадьынан, үтэһэлээх этинэн, сахалыы ас арааһынан күндүлээбэккэ таһаарбаттар.

Элгээйи нэһилиэгин ураһатыгар тохтообот ыалдьыт хайаан да хаартыска зоналарыгар түһэн ааһар. Атын да нэһилиэктэр киэн туттууларын, маастардарын оҥоһуктарын уо.д. а. билсэҕин.

Оттон Кутана олоҕун-дьаһаҕын мааны ураһаҕа толору билсиэххэ сөп. Ыраахтан-чугастан кэлбит дьон хас эмэ сыл сүтэрсибит үөлээннээхтэрин көрсөн, үөрүү-көтүү өрөгөйө.