Хаартыска: Сунтаар улууһун дьаһалтатын пресс-сулууспата
Сунтаарга «Саахалланар туруктаах дьиэлэртэн гражданнары 2019-2025 сылларга көһөрүү» бырагырааманан сыл ахсын хастыы да саҥа олорор дьиэ үлэҕэ киирэр.
Олунньу 14 күнүгэр Сунтаар сэлиэнньэтин хас да олохтооҕор өр күүтүллүбүт, кэтэһиллибит дьоро күн буолан ааста. Саҥа түөлбэҕэ эрдэ тутуллубут таас дьиэ икки подъеһа аһылынна. Саахалланар туруктаах мас дьиэҕэ хас эмэ уонунан сыллар тухары олорбут ыаллар сабыс саҥа таас дьиэ күлүүһүн туттулар. Ол курдук, барыта 48 ыал саҥа киэҥ-куоҥ, сырдык кыбартыыраларга көһөн киирдилэр.
Кэрэхсэбиллээҕэ диэн кыбартыыраларга бүтүннүүтүгэр сылаас муоста тэлгэммит, таас дьиэ иннигэр «1000 тиэргэн» федеральнай бырагырааманан оҕо оонньуур былаһаакката холбуу аһылынна.
Үөрүүлээх түгэҥҥэ Бырабыыталыстыба отчуотун кэмигэр СӨ Бырабыыталыстыбатын бэрэссэдээтэлэ Георгий Степанов кытынна. «Национальнай бырайыак, атын да судаарыстыбаннай бырагыраамалар олох хаачыстыбатын тупсараллар», — диэн Георгий Степанов олохтоохторго бары үчүгэйи баҕарда. Бу туһунан Сунтаар улууһун дьаһалтатын пресс-сулууспата суруйар.
Саха Өрөспүүбүлүкэтэ саахалланар уонна хаарбах туруктаах дьиэлэртэн дьону көһөрүүгэ инники күөҥҥэ сылдьар. Сыллата тыһыынчанан ыал саҥа дьиэҕэ киирэн малааһынныыр. Саахалланар туруктаах дьиэттэн дьону көһөрүү бырагырааматын федеральнай киинтэн ОДьКХ ситимин саҥардыы пуондатын судаарыстыбаннай корпорацията уонна өрөспүүбүлүкэ кыра өлүүтүн кыттыгас үбүлүүллэр. Хаарбах дьиэттэн дьону «Дьиэ-уот уонна куорат эйгэтэ» национальнай бырайыак иитинэн көһөрөллөр.
Санаттахха, Сунтаар улууһугар былырыын үс квартиралаах дьиэ, Кэппэндээйи сэлиэнньэтигэр култуура дьиэтэ, Хадан уонна Сунтаар сэлиэнньэлэригэр култуурунай-успуорт комплекстар, Маар Күөл оскуолатыгар успуорт саалата, Элгээйи сэлиэнньэтигэр амбулатория үлэҕэ киирбиттэрэ.
Бырабыыталыстыба отчуотун оробуочай бөлөҕүн салайааччыта, вице-премьер Георгий Степанов Саха сирин Бырабыыталыстыбата оройуоннарынан социальнай эбийиэктэри тутууга былааннаах үлэни ыытарын бэлиэтээтэ.
Сунтаар улууһугар түмүк отчуот кэмигэр олохтоохтор доруобуйа харыстабылын, ОДьКХ, энэргиэтикэ, олорор дьиэни тутуу, тыа хаһаайыстыбатын сайыннарыы, уматык матырыйаалларын уонна электроэниэргийэҕэ тарыып ыйытыктарын биэрдилэр. Биир сүрүн ыйытыгынан сайына Сергей Зверев- Кыыл Уола 125 сылыгар аналлаах өрөспүүбүлүкэтээҕи ыһыахха бэлэмнэнии буолла.
Казань куоракка уус-уран гимнастикаҕа Арассыыйа Куубагын күрэхтэһиитэ түмүктэннэ. Онно дойду 20 эрэгийиэниттэн 150-тан тахса бастыҥ…
Erid: 2SDnjduRUSK Ахсынньы 1–21 күннэригэр мета-куйаарга «Сайылык» онлайн-бэстибээл ыытыллыаҕа. Манна көрөөччүлэр Саха сирин ускуустубатын, киинэтин,…
Өлүөхүмэ оройуонун борокуратуурата сибээс туһунан федеральнай сокуон толоруллуутун бэрэбиэркэлээтэ. Бэрэбиэркэ түмүгүнэн, Өлүөхүмэ куоракка уонна тыа…
Ил Түмэҥҥэ ыытыллыбыт төгүрүк остуол кыттыылаахтара өрөспүүбүлүкэ бырабыыталыстыбатыгар Российскай Федерация сиригэр-уотугар үлэлиир Баһаары утары эрэсиим…
СӨ Бырабыыталыстыбатын Бэрэссэдээтэлин бастакы солбуйааччы Дьулустан Борисов эрэгийиэннээҕи инвестиционнай килиимэт бырайыагын ырытар мунньаҕы салайан ыытта.…
В.К. Арсеньев аатынан «Уһук Илин» Бүтүн Арассыыйатааҕы литературнай бириэмийэ кыайыылаахтарын биллэрэр уонна наҕараадалыыр үөрүүлээх сиэр-туом…