ВИДЕО: Сунтаарга бассейн тутуута түмүктэннэ

Тыа сирин биир кэлим сайыннарыы федеральнай бырагырааманан Сунтаарга «Байҕал» диэн ааттаах бассейн тутуута түмүктэннэ диэн Сунтаар улууһун телеграм-ханаала иһитиннэрэр. 

«Саҥа эбийиэги «ТутууСаха» тэрилтэ дьэндэтэн таһаарда. Үөрүүлээх түгэҥҥэ — бассейн өрөгөйдөөх арыллыытыгар улуус олохтоохторун, ыалдьыттарын ыҥырабыт! Спортивнай комплекс 140 миэстэҕэ көрөөччү саалалаах, үс этээстээх, алта харбыыр балаһалаах. Уустук тутуу инженернэй-тиэхиньиичэскэй ситимин оҥоһуутун бырайыага тыа сиригэр табыгастаах. Ууну биир кэм ыраастыы, сылыта турар автоматизированнай баараҕай оборудованиелар турдулар. Бассейнҥа 420 кубометр уу киирэр.» — диэн иһитиннэриигэ суруллар.