Билэҕит, Сунтаарга квадроцикл диэн эр дьон бултка туттар тимир көлөтө Күүкэйгэ уонна Сунтаарга оҥоһуллан тахсарын?
Мин билэрбинэн, күүкэйдэр «Боотур» диэн ааттаан көлөнү таҥан оҥорбуттара ыраатта. Онтон Сунтаарга урбаанньыт Геннадий Васильев 2019 сыллаахха бастаан бэйэтигэр «Сунтаар» диэн ааттаах квадроциклы оҥостон сүүрдүбүт. Бу дьыалатыгар төһүү киһинэн күтүөтэ Алексей Захаров буолан, «киһи сатаабатаҕын тоҕо сатыа суохпутуй». диэн күүстээх санааны ылынан номнуо 50-с үбүлүөйдээх квадроциклы оҥоро сылдьалларыгар түбэстим. Аны бу көлө 2021 сыллаахха ПСМ туоһу сурук ылан, Сунтаар улууһуттан бэйэ оҥорон таһаарар докумуоннаах бастакы тимир көлөтө буолар. Бастакы оҥоһуктарын Үөһээ Бүлүү киһитэ манаан туран атыылаһан барбыт, билигин ол көлө Өлөөҥҥө бэркэ сүүрэ сылдьар үһү.
Аны тимир көлө «Сунтаар» диэн аатын кэлин Саха сирин араас муннуктарыттан сакаастаан, ылан барбыттарыгар тустаах дьоҥҥо улуустаһыынан күөмчүлээһин курдук буолуо диэн өссө тупсаран «ДохСун» диэн ааттаабыттар (син биир Сунтаарбыт аата ааттана, Аар Баҕах сэргэтэ дьаралыга буола сылдьара үөрдэр). Билигин бу көлө тула Алексей Захаров уолаттарынаан, Геннадий буолан дьарыгыран сакаастара олус элбэх, хаачыстыбата бэрдин билэн биир дьиэ кэргэн үс квадроциклы сакаастаабыт да түгэнэ баар. Бу соторунан 50-с үбүлүөйдээх тэрил Элгээйи эр хоһуунугар айан тутуоҕа. Уолаттар маладьыастар!
Хата сакаастыаххытын баҕардаххытына бу төлөпүөн нүөмэринэн билсиэххитин сөп: +79142787828.
Мария Кобельянова
Ахсынньы 7 күнүгэр Оһуокай куоракка олорор Бүлүү улууһун олохтоохторугар ананна. Куоракка олорор Бүлүү улууһуттан төрүттээх…
Дьүөгэм, Үп министерствотыгар таһаарыылаахтык үлэлээбит Анна Романовна Винокурова бочуоттаах сынньалаҥҥа олорор. Бу күннэргэ Дубайга олорор…
Аныгы сайдыылаах үйэбитигэр өрөспүүбүлүкэбит хайа да муннугар аны хаалыылаах, түҥкэтэх сир диэн суох. Бээ, бу…
Уһун, тымныы кыһыннаах, тыйыс айылҕалаах хоту дойдуга олорор буоланнар, өбүгэлэрбит барахсаттар күөх сайын уунар уйгутуттан…
Амма улууһун Соморсун нэһилиэгэр үлэһит тырахтарыыс уолаттар, эр дьон баар буоланнар, дэриэбинэ олоҕо күөстүү оргуйар.…
"Амма" эрэгийиэннээҕи айан суолун 93-94 км учаастагар билигин да күөлтэн уу киирэ турар. "СУ-77" тэрилтэ…