ВИДЕО: Светофор кыһыл уотугар тохтообокко айаннаабыт суоппар ыстарааптанна

Видео көмөтүнэн Госавтоинспекция үлэһиттэрэ бу сыл атырдьах ыйын 8 күнүгэр Чиряев уонна Губин уулуссаларын быһа охсуһуутугар светофор бобор кыһыл уотугар тохтообокко айаннаабыт «Хонда Фит» массыына суоппарын лиичинэһин быһаардылар. Бу туһунан Саха сиринээҕи Госавтоинспекция пресс-сулууспата иһитиннэрэр.

Быраабыланы кэһии иһин буруйдаах РФ Административнай Кодексатын 12.12 ыст. 1 чааһынан 1500 солк. кээмэйдээх ыстараап сурулунна. Буруйдаах иккиһин тутулуннаҕына, 7500 солкуобай ыстараап эбэтэр 4 ыйтан 6 ыйга диэри болдьоххо тырааныспары салайар быраабын тохтотуохтара.