Бу күннэргэ көҕөччөр өҥнөөх акка олорон, бэрт холкутук уулусса устун сиэллэрэн иһэр кыракый кыысчааны видеоҕа устан социальнай ситиминэн тарҕаттылар. Кыра оҕо, буолаары буолан, кыыс оҕо мээнэ дьарыгырбат ураты дьарыгын Үөһээ Бүлүү улууһун Тамалакаан нэһилиэгин 5-с кылааһын үөрэнээччитэ Сайынаара Саввинова баһылаабыт.
Сайынаара Марианна Афанасьевна уонна Александр Семенович Саввиновтар сэттэ оҕолоохторуттан саамай кыралара. Кинилэр бэйэлэрин биэс оҕолорун таһынан икки оҕону иитэ сылдьаллар. Икки улахан уол номнуо ыал буолан туспа тахсыбыттар. Саввиновтар оҕолорун сахалыы тыыҥҥа, көрсүө, сэмэй, үлэһит буолууга иитэллэр. Оҕолор бары кыраларыттан сылгыга сыстаҕастар, миинэр миҥэ, көлүнэр көлө оҥостоллор. Аҕаларын батыһа сылдьан үөрэнэн, аттарын сөбүлээн бүөбэйдииллэр.
Төрөппүттэр кыыстарын бу ураты дьарыгын туһунан маннык кэпсииллэр: “Сайынаара саамай кырабыт, 5-с кылааска үөрэнэр. Бааһынай хаһаайыстыбабыт, тыа сирин ыалын сиэринэн сүөһү-сылгы иитэбит. Кэнники сылларга ат баайыытынан, сүүрдүүтүнэн дьарыктанабыт. Уолбут 2-с кылаастан ат сүүрдүбүтэ. Оттон кыыспыт кыратыттан аҕатын батыһа сылдьан сылгы көрсөр. Өссө уһуйааҥҥа сырыттаҕына Монгол диэн ааттаах аты атыылаһан биэрбиппит. Билигин бэйэтэ ыҥырдыыр, уулатар, хаамтарар. Кыһын, саас дэриэбинэттэн 10 км сиргэ баран сылгыларын аһатар. Сайынаара сүүрүк аттары көрөр-истэр, сууйар-сотор. Оҕолорбутун төрүт өбүгэлэрбит оҕону үлэнэн иитэр үгэстэрин салгыыбыт».
Кырачаан кыысчаан инникитин ат сүүрдээччи – жокей буолар баҕа санаалаах. Кыысчаан иллэҥ кэмигэр ыллыырын сөбүлүүр, олоҥхолуур, тойуктуур. Элбэх ырыа конкурсун лауреата, олоҥхо конкурсун кыайыылааҕа. Иллэҥ кэмигэр Ютуб ханаал аһан, онно сылгы көрүүтүн-харайыытын туһунан кэпсиир, видеоҕа устан таһаарар.
Дьэ, ити курдук, Саввиновтар оҕолорун өбүгэлэрбит төрүт үгэстэригэр, сиэригэр-туомугар, култууратыгар үөрэтэллэр, иитэллэр. Кыракый Сайынаара дьөһөгөй оҕотун бүөбэйдии улаатыыта, кини үтүө киһи буоларыгар сабыдыаллыыра саарбаҕа суох.
Арассыыйа Үөрэҕин министиэристибэтэ оскуолаҕа дьиэтээҕи үлэни толорорго биир кэлим бириэмэ нуорматын олохтоото. Бу туһунан "РИА-Новости"…
Төрдүскэ үөрэнэр кэммэр этэ. Саас муус устар ортотун саҕана арай уруһуй учуутала Силипиэн Ньукулаайабыс Намыйаанап…
Талааннаах суруйааччы Данил Макеев «Оҕом аҕалаах буоллаҕына…» диэн саҥа кинигэтигэр киирбит икки сэһэнэ («Оҕом аҕалаах…
Киин куорат күнүн көрсө, Дьокуускай устуоруйатын түмэлэ интэриэһинэй чахчылары таһаарар. 200 сыллааҕыта Дьокуускай куоракка 2458…
Буотама үрэх төрдүгэр туруоруллубут камера хайа тыҥырахтаах көтөрүн бииһин ууһугар киирсэр көҕүллээх кыырт (хохлатай осоед)…
ИДьМ Дьокуускайдааҕы 2 №-дээх отделын холбоһуктаах былааннаммыт бэрэбиэркэтин кэмигэр, миграционнай сокуону кэһии түбэлтэтэ бэлиэтэммит. Полицейскайдар…