ВИДЕО: Таатта Туора Күөлүн оҕолоох тыатааҕы буулаата

Бу күннэргэ Таатта улууһун Туора Күөлүн таһыгар оҕолоох тыатааҕыны көрбүт видеолара нэһилиэк социальнай ситимин бөлөҕөр тарҕанна. Биһиги нэһилиэк баһылыгын солбуйааччы Любовь Васильевна Ефимоваҕа сибээскэ таҕыстыбыт:

— Таатта улууһун экологиятын надзорун  салайааччытыгар тыатааҕыны бултаһарга көҥүл ылар туһунан Николаев  аатыгар хадатаайыстыба ыыттыбыт. Тыатааҕы нэһилиэкпититтэн олус чугас сылдьар, ону сэргэ эрдэ сылгыны тардыбыт түгэнэ баар эбит. Кинилэр Булт департаменыгар рапорт түһэрэллэр, онон лиссиэнсийэ ылыллыахтаах. Нэһилиэккэ бултуон баҕалаах дьон бааллар. Нэһилиэкпитигэр  чугас тыаҕа, алааска тахсыбат, сэрэхтээх буолуу туһунан сэрэтии биллэриитин ыыттыбыт.