Хаартыска уонна видео: Мария Максимова
Таатталар «Манчаары оонньууларын» кэмигэр «Тааттаҕа оҥоһулунна» диэн анал быыстапканы тэрийдилэр.
Бу туһунан Дьокуускай куорат олохтооҕо Мария Максимова маннык сырдатта:
«Эмтээх оту хомуйан, туһаҕа таһаарыы бастыҥ холобура, дьэ, бу манна баар эбит. Быыстапка уонна кэрэхсэбиллээх култуурунай тэрээһиннэр тэҥинэн буоллулар. Уопсайа 69 араас ис хоһоонноох дьону сынньатар уонна аралдьытар тэрээһиннэр үрдүк таһымҥа буоллулар.
«Тааттаҕа оҥоһулунна» диэн ааттаах араас оҥоһуктары бэркэ сэргии көрдүм. Мин саҥа арыллыбыт пааркаҕа, аныгылыы тутуулаах павильоннардаах быыстапканы анаан кэрийдим. Тарбахтарыгар талааннаах дьон оҥорон таһаарбыт оҥоһуктарын дуоһуйа көрдүм. Саамай сэҥээрбитим, таатталар бэйэлэрин дойдуларыгар үүнэр эмтээх үүнээйилэри үөрэтэн, онно оҕолору уһуйан, хомуйбут отторун хатаран, бэртээхэй бэлэх көстүүлээх гына оҥорбуттара, атыыга хамаҕатык бараллар.
Уолба орто оскуолатын үөрэнээччилэрэ эмтээх оттортон бэлэхтэри оҥорууга дьоҕус биисинэс тэриммиттэр. Аны үөрэ оттоох уонна боҕоруоскай оттоох сакалааты оҥорбуттарын көрөн сөхтүм. Киһи дьоҥҥо бэлэх, кэһии гынарыгар бэртээхэй бэлэх састаабын таҥмыттар. Ол курдук, ыраастыыр оттоох, чучунаахтаах, ньээм мүөттээх, кииһилэ барыанньалаах бэлэҕи, ама, ким сөбүлүө суоҕай! Онон таатталар сахалыы тыыннаах быыстапкаларын дьон олус сөбүлүү, астына көрдө».
Ил Дархан Айсен Николаев Саха Өрөспүүбүлүкэтин салалтатын уонна тус бэйэтин аатыттан Ийэ күнүнэн эҕэрдэлээтэ. -…
Хомус Аан дойдутааҕы түмэлэ уонна киинэ төрүттэниэҕиттэн 35 сыл устата араас хабааннаах улахан тэрээһиннэри тэрийэр,…
Бүгүн, сэтинньи 30 күнүгэр, өрөспүүбүлүкэ илин өттүгэр хаар сөбүгэр түһүөҕэ. Мантан атын оройуоннарга кыралаан хаардыаҕа,…
Бүгүҥҥү күнү Күн салайар. Ол аата, бэйэни сайыннарыы, айар-тутар дьоҕуру арыйыы, ис күүһү таһаарыы күнэ.…
Булт-алт тиэмэтигэр сэргэх кэпсээннээх Дьөгүөр Сыромятников-Егор Һэрэмээт бу күннэргэ Бурятия Окинскай оройуонугар кабааны бултуу ити…
Сэтинньи 25 күнүттэн 30 күнүгэр диэри Дьокуускай куоракка 12-с төгүлүн ыытыллар “Саха сирин амтана” гастрономия…