ВИДЕО: Төрүт оҕунан ытыыга муҥутуур кыайыылааҕынан оскуола үөрэнээччитэ буолла!

Бүгүн төрүт оҕунан ытыыга күрэсчиттэр А.Е.Мординов аатынан лиссиэй былаһааккатыгар иккис күннэрин күрэхтэстилэр.

Түмүккэ хамаанданан ытыыга кыайыылааҕынан Бүлүү охчуттара таҕыстылар. Иккис бочуоттаах миэстэни Таатта улууһун 1 хамаандата эрэлээхтик ылла. Үһүскэ Чурапчы күрэсчиттэрэ таҕыстылар.

Муҥутуур кыайылааҕынан Бүлүү улууһуттан Бөтүҥ орто оскуолатын сэттис кылааһын бүтэрбит Данил Николаев тахсан дойдулаахтарын үөртэ, бэйэтэ да олус соһуйбут, үөрбүт. Кини биирдиилээн ытыыга эмиэ бастаабыт. Дьонугар-сэргэтигэр, тириэньэрдэригэр махтанар.

Төрүт ох саанан ытыыга судьуйа Сардаана Жиркова күрэс туһунан маннык иһитиннэрдэ:

Муҥутуур кыайыылааҕынан буолбут Данил Николаев үөрүүтүн үллэһиннэ:

Бүлүү улууһун хамаандатын бэрэстэбиитэлэ Клара Спиридонова:

Манна даҕатан эттэххэ, быйылгы XXII «Манчаары оонньууларыгар» Таатта улууһугар этэн аһарбыппыт курдук, 35 хамаанда, 1521 күрэсчит кыттар. Күрэхтэһиилэргэ 259 судьуйа үлэлиир. 205  үтүө түсчүт (волонтер) көмөлөһөр. Барыта 11 араас күрэхтэһии ыытыллар.

С.Баснаева хаартыскаҕа түһэриитэ, видеоҕа устуута.