Хаартыска: sakha.gov.ru
Айыы аймаҕын араҥаччылыыр олоҥхо улуу боотурдара эмиэ оҕо буола сылдьыбыттара…
Орто дойду олохтоохторо сылы сыллаан Үрүҥ Күнү өрө көрбөтөхтөрө, аан дойдуга кэм-кэрдии бүтэр уһуга ааҥнаабыта… Онуоха, Тойтой диэн тулаайах уол аан дойду дьылҕатын бэйэтин илиитигэр ылбыта…
«Тойтой Боотур» — аныгы кэм олоҥхото. Продюсер – Дарья Ермолаева, Сиэн-Өкөр устуудьуйа көрдөрөр.
“Саха” НКИХ оҕолорго аналлаах сахалыы ойуулуктары тылбаастыыр, оҥорор буолбуттара аҕыйах сыл ааста. Тиһигин быспакка сонун бырайыактары, сэргэх ойуулуктары толкуйдаан таһаараллар. Бу күннэргэ “Тойтой Боотур” олоҥхоҕо олоҕуран оҥоһуллубут анимационнай сериал күн сирин көрбүт. Бүгүн Дьокуускай куораттааҕы Оҕо дыбарыаһын алын сүһүөх кылааһын оҕолоро кыттыылаах сүрэхтээһини тэрийбиттэр.
Продюсер Дарья Ермолаева оҕолорго бу ойуулук хайдах оҥоһуллан тахсыбытын кэпсээбит. Худуоһунньук-аниматор бастаан тугу, хайдах уруһуйдаабытын көрдөрбүт, режиссер хас биирдии кадры (540 кадры) хайдах туруоран торумнаабытын сиһилии быһаарбыт.
“Оҕолор саҥа ойуулугу көрөн олус сэргээтилэр. Ойуута, тыаһа-ууһа, оҥоһуута да ураты үрдүк таһымнаах буолан тута оҕо болҕомтотун тарта” – диэн тэрийээччилэр этэллэр.
Тустаах бырайыакка барыта 40-тан тахса киһи үлэлээбит. Олор истэригэр 8 аниматор. Ойуулугу 3 сыл устата оҥорбуттар. “Таҥыллан, чочуллан бүгүн оҕолорго көрдөрөр үөрүүлээх, долгутуулаах күн үүннэ!” – диэн санааларын үллэстэллэр.
Буруолуу сылдьар сериалы кырачаан көрөөччү киэҥ араҥатыгар хаһан таһаараллар? Фэнтези жанрынан оҥоһуллубут “Тойтой Боотур” анимационнай сериал ахсынньы 27 күнүгэр @chokhoon канаалга тахсыаҕа диэн иһитиннэрэллэр.
ЧОХООН Rutube эбэтэр YouTube холбонуҥ, сурутуҥ.
“Талааннаах киһи барытыгар талааннаах” диэн этии оруннааҕын үгүс түгэҥҥэ көрө-истэ сылдьабыт. Былырыыҥҥы “Үрдэл” ырыа бириэмийэтигэр…
Олунньу 1 күнүгэр Арчы дьиэтигэр өрөбүллээҕи Оһуокайбыт үрдүк таһымнаахтык ааста. Куоракка олорор уус алданнар тоҕуоруһан…
“Успуорт сарыыссатынан” ааттанар чэпчэки атлетика аата эрэ “Чэпчэки атлетика”. Дьиҥинэн, успуорт көрүҥнэриттэн биир уустуктара. Ким…
Билиҥҥи кэмҥэ волонтердар көмөлөрө олус улахан суолталаах. Тыһыынчанан волонтердар түмсэн байыаннай дьайыы кыттыылаахтарын өйүүллэр. Бүгүн…
Бу күннэргэ Дьокуускайга бэйэ дьыалатын социальнай хантараак нөҥүө тэриммит дьоҥҥо олус туһалаах тэрээһин буолан ааста.…
Сунтаарга бу өрөбүл күннэргэ хапсаҕайы таптааччыларга улахан үөрүү. Сыллата ыытыллар Бордоҥтон төрүттээх хапсаҕайга спорт маастара…