ВИДЕО: Горнай трассатыгар муус маҥан кырсаны көрдүлэр…

Социальнай ситимнэринэн Саха сирин олохтоохторо Орто Сурт бөһүөлэк аттыгар трассаҕа маҥан кырсаны бэлиэтии көрбүттэрин видеоҕа уһулан тарҕаттылар. Видеону бүгүн, ыам ыйын 13 күнүгэр, ааҕааччыбыт ыытта.

Дьиктитэ диэн бу кыыл туундараҕа үөскүүр сиэмэх кыыл, онон Горнай улууһугар тиийбитэ дьону-сэргэни соһутта.

Кырса — урут Хотугу полушариеҕа барытыгар кэриэтэ баар буоллаҕына, билигин ареала улаханнык кыччаабыт. Кырса туундараҕа үөскүүр. Ас көрдөөн киэҥ сиринэн кэрийэллэр. Ууһуулларыгар биир сиргэ тиийэр үгэстээхтэр.