Хаартыска: rutube.ru
Бу сылга кэнники ыйдарга Саха сиригэр тыатааҕы нэһилиэктэн дьонтон куттаммакка чугас сылдьара, ону ааһа баран бөһүөлэк киинигэр киирэр түгэнэ элбээтэ.
Ол курдук, соторутааҕыта Ленскэй олохтоохторо социальнай ситимнэринэн икки хагдаҥ эһэлэр куорат уулуссаларыгар бэйдиэ барбыттарын туһунан видео тарҕаппыттара. Ити кэннэ от ыйын 10 күнүгэр Долгое күөл аттыгар хас да күн устата бэйдиэлээбит эһэни ытан өлөрбүттэрин туһунан Ленскэйдээҕи экологияны кэтээн көрүү кэмитиэтэ биллэрдэ. Аны бэҕэһээ, от ыйын 11 күнүгэр, Алдан оройуонун Ыллымах нэһилиэгэр тыатааҕы киирбитин көрбүттэр. Бөһүөлэк киинигэр адьырҕа кыыл хаһаайыннаан дьону-сэргэни куттаабытын туһунан иһитиннэрдилэр.
Өссө биир түгэн туһунан сонун булчуттар бөлөхтөрүн ТГ-ханаалыгар таҕыста. От үлэтин кэмигэр хагдаҥ эһэ икки ыт баарын үрдүнэн отчуттар ходуһаларыгар куттаммакка «ыалдьыттаабыт». Тыатааҕыны тыраахтар тыаһа интэриэһиргэппитэ сабаҕаланар.
Бу курдук дьоҥҥо чугаһаабыт, нэһилиэккэ адьырҕа киирбит түбэлтэтэ аҕыйах ый иһигэр хаста даҕаны бэлиэтэннэ. Эспиэрдэр тыатааҕы ахсаана элбиирэ адьырҕа кыыл сөбүлээн сиир отонун үүнүүтэ мөлтөҕүттэн, өрөспүүбүлүкэҕэ уонна кэккэ сытар эрэгийиэннэргэ буола турар ойуур баһаардарыттан уо.д.а. буолар.
Манна биири бэлиэтиир наадалаах, тыатааҕыны көҥүлэ суох өлөрөр бобуулаах. Булт кэмэ саҕалана илигинэ өлөрдөххө – административнай ыстараап, оттон көҥүлэ суох – холуобунай дьыала. Арай тыаҕа сылдьан көмүскэнэн өлөрбүт буоллаххына, бу туһунан иниспиэксийэҕэ биллэриэхтээххин. Оччоҕо эрэ дьыала тэриллибэт.
Саҥа дьыллааҕы түүн биэс уол уонна үс кыыс күн сирин көрдүлэр. Бу туһунан өрөспүүбүлүкэ Ил…
Тохсунньу 1 күнүгэр өрөспүүбүлүкэ саамай кырдьаҕас олохтооҕун Татьяна Сафонованы 105 сааһын туолбутунан эҕэрдэлээтилэр. Киниэхэ дойду…
Саҥа дьыл бырааһынньыгын иннинэ Саха сириттэн сылдьар байыаннай дьайыв байыастапа өрөспүүбүлүкэттэн Саҥа дьыллааҕы бэлэхтэри туттулар.…
Уһун кыһыҥҥы өрөбүллэр – үчүгэйдик сынньанар эрэ буолбакка, саҥаҕа холонон көрөргө, доруобуйаны чөлүгэр түһэрэргэ уонна…
Сунтаар сэлиэнньэтигэр биэс киһи өлбүтүнэн «икки уонна онтон элбэх киһини сэрэҕэ суохтан өлүүгэ тиэрдии» диэн…
Арассыыйаҕа бигэргэтиллибит халандаарынан, 2026 сылга биһигини 28 бырааһынньык уонна өрөбүл күннэрэ күүтэллэр. Саҥа дьыллааҕы өрөбүллэр…