Хаартыска: Марина Румянцева
Уус Алдан улууһун Өспөх нэһилиэгин олохтоохторо күөлгэ устар арыылар ураты көстүүлэрин видеоҕа уһулан социальнай ситимнэринэн тарҕаттылар.
Олохтоох Александр Румянцев СИА-ҕа кэпсээбитинэн, дьикти көстүүлээх күөл Илимиттэ диэн ааттанар уонна Чүүйэ хайалара сириттэн Алдан өрүстэн 18-20 км тэйиччи сытар.
«Урут манна «Үүнэр олох» холкуос баара, онно биһиги эһэлэрбит уонна эбэлэрбит олорон эрэ үлэлээбиттэрэ. 60-70- с сылларга кинилэр Өспөххө көспүттэрэ. Онон хас сайын аайы биһиги дьиэ кэргэнинэн уонна аймахтарбытын кытта манна кэлэн сынньанабыт.
Быйыл оҕолорбут видеоҕа күөлгэ устар арыылары устубуттара, хаартыскаҕа түһэрбиттэрэ. Дьиҥэр, күөлгэ бу арыылар мэлдьи бааллара. Мин хос эһэм Иосиф Румянцев холкуос кэмигэр бу арыыларга тахсан илиинэн от охсор буолара. Бу арыылар ньуура олус кытаанах уонна киһини уйар. Быйыл ким да боруобалаабата», — диир Александр Румянцев. РАН Криолитозона биология проблемаларын институтугар быһаарбыттарынан, күөлгэ устар арыылар — үүнээйилэр силистэрэ силбэһиилэрин түмүгэ.
«Үүнээйилэр силистэрэ силбэһэн, уу ньуурун үрдүгэр устар арыылар үөскүүллэр. Бу дьикти айылҕа көстүүтэ буолбатах, чахчытыгар күөл уута аҕыйыырын уонна бадарааҥҥа кубулуйарын туоһулуур», — диэн кэпсээтэ гербарий сэбиэдиссэйэ Надежда Сосина.
Омук сиригэр кэмпилиэктэммит оҥоһуктарын барытын дойдубут киэнигэр уларытан баран, Ту-214 сөмөлүөтү бэрэбиэркэлээн көрүү саҕаланна, диэн…
Сэбирдэҕэр гликозид арбутин, виннай, яблочнай, лимоннай органическай кислоталар, С витамин, альдегид о.д.а. иҥэмтэлээх эттиктэр бааллар.…
Бүгүн киин куоракка Казначейство саалатыгар “Саха сирин бастыҥ ювелирнай оҥоһуктара-2024” быыстапка аһылынна. Тэрээһин “Кыһын Саха…
Платон Алексеевич Ойуунускай аатынан Саха тыйаатыра 95 сыла туоларынан, алтынньы 17 күнүгэр Анемподист Иванович Софронов…
Мэҥэ Хаҥалас улууһун борокуратуурата Ростов уобалаһын уонна Хакасия Өрөспүүбүлүкэтин үс олохтооҕор холобунай дьыаланан буруйдааһын түмүгүн…
Тэрээһиҥҥэ Уһук Илини уонна Арктиканы сайыннарар министиэристибэ баһылыга Алексей Чекунков кытынна. Көрсүһүү кэмигэр выпускниктар соруктарын,…