Хаартыска: видеоттан скрин
Социальнай ситимнэринэн тарҕаммыт крипто-оһоҕунан сылыттынан олорор ыал ыччат да, сааһырбыт да дьон сэҥээриитин ылла. «Мүрү саһарҕата» кэрэспэдьиэнэ Мария Аргунова суруйарынан, маннык тэрил дьиэни ититиинэн хааччыйарын таһынан криптовалютаны оҥорор. Ол курдук дьиэҕин ититиинэн хааччыйарыҥ таһынан барыстаныаххын сөп дииллэр.
Судургутук быһаардахха, маннык оһоҕу уокка холбоон криптовалютаны, сүрүннээн биткоины төлөбүрдээн ылаллар. Барыстаммыт төлөбүрү уот төлөбүрүн уйунуохха сөп дииллэр. Бу сүүрээн дойдуга саҥа киирэн эрэр. Оттон Саха сиригэр бастакынан Уус Алдан улууһугар ДьУоКХ филиалыгар үлэлиир уонна үлэлээбит эр дьон түмсэн, биир сүбэнэн, крипто-оһоҕу Чараҥҥа дьиэҕэ холбоон кыстаттылар.
Бу туһунан улуус дьаһалтатын баһылыгын солбуйааччыта Анатолий Алексеев санаатын үллэстэр:
«Биһиги тыйыс тымныылаах кыһыммытыгар маннык оһох көмөтүнэн дьиэҕин ититэриҥ таһынан, барыс харчы аахсан ылыаххын сөп. Инженер уолаттарбыт боруобалаан туруораннар, этэҥҥэ үлэлэттэннэр, быйыл гараастарын уонна дьиэлэрин барыстаахтык ититэн кыстаатылар. Атын дойдулар итинник аппарааттарынан дохуот аахсарга сыалай миллиардынан суумаҕа «майнинг пиэрмэлэри» тутан үлэлэтэллэр. Оттон уус алданнар саҥа аппараат ититиинэн хааччыйарын таһынан, икки төгүл барыстаах буоларын этэллэр. Ол курдук, Уус Алдан улууһугар сокуон ирдэбилинэн регистрацияламмыт урбаанньыттар нолуоктара улуус бүддьүөтүгэр киирэр, ону сэргэ бэйэлэрэ эмиэ кыра дохуоттанналлар. Онон салгыы Дьокуускайга сервиснэй киини арыйан, өрөспүүбүлүкэҕэ бүтүннүү атыылыыр былааннаахтар».
Майнинг диэн көмпүүтэр процессордара анал математика соруктарын суоттууллар. Бу соруктары харчыны ылыыга-бэрсиигэ криптовалюта хаһаайыттара туһаналлар. Майнердар ити соруктары толорууга куйаар ситимнэр үлэлэрин өйөөһүҥҥэ кытталлар уонна манньа иһин криптовалютанан төлөбүр аахсан ылаллар. Ол кэмҥэ майнинг аппарааттара уокка холбонон туран, үлэлиир кэмнэригэр, олус күүстээх итиини оҥорон таһаараллар — ортотунан 3500 Ватт. Сүрүн кыһалҕата — улахан тыастаах.
СӨ Успуорка министиэристибэтин иһитиннэриитинэн, Арассыыйаҕа Аҕа дойдуну уонна Саха сиригэр Ийэ дойдуну көмүскээччи сылыгар ыам…
Быйыл ыам ыйын 1 күнүттэн “Дальний Восток – земля приключений” Бүтүн Арассыыйатааҕы айан үһүс куонкуруһугар…
Былыр-былыргыттан тоһуттар тымныы будулуйан турдаҕына, балаҕан иһигэр көмүлүөк оһох барахсан бачыгырыы умайан, сылааһынан угуттаан, сырдыгынан…
Дьокуускайга ыам ыйын 1 күнүгэр, Саас уонна үлэ бырааһынньыгар, Доҕордоһуу болуоссатыгар бочуоттаах үлэһиттэр, бэтэрээннэр, уһуйааччылар,…
Социальнай ситимнэринэн Төхтүргэ бэтэрээннэргэ анаммыт пааматынньыгы алдьаппыттарын туһунан иһитиннэрии тарҕаммыт. Полиция үлэһиттэрэ буруйу оҥорууга 9…
Саха сиригэр тыа саҕатыгар, ойууртан чугас сирдэргэ, дьиэ тэлгэһэтигэр кур оту, маһы уматыы, өртөөһүн бобуулаах.…