ВИДЕО. Уус Буотамаҕа икки оҕолоох тайах үстэ камераҕа көһүннэ

Уус Буотама Солооһунугар кыыллары эбии аһатар сиргэ икки оҕолоох тайаҕы үстэ камераҕа уһулбуттар. Бу туһунан «Өлүөнэ очуостара» национальнай паарка телеграм-ханаалыгар иһитиннэрэр. 

Эбии аһатар сиргэ тайах сөбүлээн сиир минеральнай тууһун бэлэмнээбиттэр.

Тайах оҕолорун кытта бастаан бэс ыйын 27 күнүгэр сарсыарда иккитэ кэлэ сылдьыбыттар. Онтон өр кэмҥэ көстүбэккэ сылдьан бараннар, от ыйын 5 күнүгэр эмиэ кэлбиттэр.

Видео: Роман Широких.