ВИДЕО: Уус Маайаҕа «тоҥмот үрэх» көстүбүт

Олунньу ый бүтүүтэ Уус Маайаҕа Югоренок бөһүөлэк таһыгар «тоҥмот үрэх» көстүбүт.

Маннык көстүү Магадан уобалаһыгар үгүстүк көстөр. СИА-ҕа хотугу эрэгийиэннэр килиимэт уонна экотиһиктэрин чинчийэр лабораториятын сэбиэдиссэйэ Никита Тананаев быһаарбытынан, муус үрдүнэн тарҕаммыт уу сир аннынааҕы ууттан тахсыбытыттан үөскээбит.

«Видеоҕа үрэх тааҥнаабыта көстөр.Үрэх сүнньүн аннынааҕы уулар тахсаннар муус үрдүнэн халыйбыт. Маннык көстүүлэр Магадан уобалаһыгар элбэхтик бэлиэтэнэллэр, суолу-ииһи уҥуордаан кытта тахсыахтарын сөп. Саха сирин соҕуруу өттүгэр эмиэ маннык көстүүлэри көрүөххэ сөп», — диэн СИА-ҕа Никита Тананаев кэпсээтэ.