ВИДЕО: Василий Филипповка аналлаах өйдөбүнньүк туруорулунна

Бүгүн Дьокуускай куоракка тиэхиньиичэскэй наука дуоктара, профессор, СӨ Наукатын академиятын  бэрэсидьиэнэ, СӨ Судаарыстыбаннай Мунньаҕын (Ил Түмэн) балаататын бэрэссэдээтэлэ, Ил Түмэн II-III ыҥырыылаах мунньаҕын дьокутаата, РАН чилиэн-кэрэспэдьиэнэ, М.К. Аммосов аатынан Судаарыстыбаннай бириэмийэ лауреата Василий Васильевич Филипповка аналлаах өйдөбүнньүгү үөрүүлээх быһыыга-майгыга арыйдылар.

Бу туһунан Ил Дархан Айсен Николаев телеграмҥа ханаалыгар иһитиннэрдэ. Өйдөбүнньүк киин куоракка Ленин проспегар Наука академиятын искибиэригэр туруорулунна.

Пааматынньыгы  скульптор Николай Чоччасов чочуйан оҥорбут.

— Василий Васильевич  холобур буолар киһи.  Бу пааматынньык  кини чаҕылхай  олоҕун, Саха сирин уонна Арассыыйа  туһугар оҥорбут ситиһиилэрин саната туруоҕа, — диэн Ил Дархан иһитиннэрдэ.