Хаартыска: Иван Николаев.
Быйыл Кэмпэндээйигэ туус хостоммута 385 үбүлүөйдээх сыла. Аан дойдуга соҕотох тымныы көмөтүнэн үөскүүр тууһу хостоон саҕалаатылар. Хас да сыллааҕы таачыканан хостонор технология уларыйан, билигин тууһу чөмөхтөөн баран, улахан куулларга куталлар.
Онон урукку өттүгэр таачкалыырга күүстээх-уохтаах эр дьон эрэ үлэлиир эбит буоллахтарына, билигин оскуола үөрэнээччилэрэ да, дьахталлар да дьиэ кэргэнинэн киирэн үлэлииллэр. Быйыл Николаевтар, Корякиннар, Федоровтар, Дмитриевтэр, Максимовтар дьиэ кэргэттэрэ, үрдүкү кылаас уолаттара күүстээх үлэҕэ күргүөмнээхтик үлэлээн саҕалаатылар. Бэл, кыра саастаах уолаттар Айсен Федоров, Алик Максимов, Харысхан Семенов дьонноругар көмөлөһөн үлэ бөҕө буола сылдьаллар. Сылга ортотунан 2000 туонна туус хостонор.
Кэмпэндээйи үрдүк хаачыстыбалаах үрүҥ тууһа атыыга бэрт хамаҕатык барар буолла. Чахчы, эти, балыгы, оҕуруот аһын тууһуурга олус үчүгэй туус.
Туус хостуур хампаанньа кэнники сылларга өрөспүүбүлүкэ үрдүнэн уһуйааннарга, оскуолаларга элбэх туус хоһун тутан биэрдэ.
https://t.me/sakhasire20/56381
Татьяна МЕСТНИКОВА, Кэмпэндээйи.
Дьокуускайга СӨ Үлэҕэ уонна социальнай сайдыыга министиэристибэтин Өрөспүүбүлүкэтээҕи сэминээр-сүбэ мунньаҕа саҕаланна. Тэрээһиҥҥэ социальнай үлэһиттэр кыттыыны…
2026 сыл кулун тутар 1 күнүттэн Арассыыйа олохтоохторо суоппар быраабыгар тэйиччиттэн олорон үөрэнэр кыахтаннылар. Автооскуолаларга …
Хатас сэлиэнньэтигэр мас-рестлиҥҥэ «Көмүс мас» Дьокуускай куорат аһаҕас чөмпүйэнээтэ түмүктэннэ. Онно 23 хамаандаттан 160-тан тахса…
Саха сиригэр бүгүҥҥү күҥҥэ үөрэх тэрилтэлэригэр байыаннай дьайыы 70-тан тахса кыттыылааҕа, ол иһигэр педагогтар уонна…
Тохсунньу 27 күнүгэр Ленинграды блокадаттан толору босхолооһун күнэ бэлиэтэнэр. Ленинград блокадатын сиэртибэлэрин кэриэстээн, бу күн…
Байыаннай дьайыыга кыттыбыт тулаайахтар уонна төрөппүт көрүүтэ-истиитэ суох хаалбыттар олорор дьиэнэн хааччыллар бырааптаахтар. “Байыаннай дьайыыга…