ВИДЕО: Үөһээ Бүлүү эдэр рэперэ Джиданы кытта улахан сыанаҕа ыллаата

Аҕыйах хонуктааҕыта Үөһээ Бүлүүгэ «Бүтэһик чуораан» бырааһынньыгар Гоша Васильев-Джида «Сүрэхпит тэбэрин тухары» ырыатын толорор уолчаан видеота социальнай ситимнэринэн тарҕаммыта.

Бу оройуоҥҥа тустан ыйааһыныгар хотторо илик, үөрэх туйгуна Дьулус Колесов эбит. Кини Үөһээ Бүлүү иккис нүөмэрдээх оскуолатыгар үөрэнэр.

Бэҕэһээ Дьокуускайга ыытыллыбыт «Умнуллубат Live» кэнсиэргэ кумирын Джиданы кытта улахан сыанаҕа ыллаабыт. Бу туһунан Спиридон Борбуев телеграм-ханаалыгар суруйар.