Хаартыска: «ЯКУТИЯ: ВСЁ ПРО СВО» ТГ-ханаал
Үөһээ Бүлүүгэ Авиаторов уулуссаҕа 30 №-дээх дьиэ таһыгар Украина Сэбилэниилээх күүстэрин колоннатын урусхаллаабыт «Алеша» тааҥка макетын оҥорон туруордулар.
Санаттахха, “Алёша” тааҥка экипаһа тугунан даҕаны кэмнэммэт, сөҕүмэр дьоруойдуу быһыыны оҥорбутун туһунан сонун дойдуну тилийэ көппүтэ. Хорсун танкистарга, кинилэр кэккэлэригэр Саха сириттэн сылдьар Алексей Неустроевка уонна Филипп Евсеевка дойду Бэрэсидьиэнэ Владимир Путин Арассыыйа Дьоруойа аатын иҥэртээбитэ.
Саха сирин дьоно, бүтүн дойду олохтоохторо кинилэр дьоруойдуу быһыыларынан киэн туттан хоһоон аныыллар, ырыа айаллар, отто Үөһээ Бүлүү олохтооҕо, сварщик идэлээх Алексей Егорович Федоров Улуу Кыайыы 80 сылын көрсө 3 ый иһигэр бэйэтэ “Алёша” тааҥка макетын онорбут. Тааҥканы оҥорууга худуоһунньук, Кэнтик маастара Ньургустаан Бойтунов ыйан-кэрдэн сүбэлээбит, үбүнэн-харчынан Федот Тумусов көмөлөспүт, танкетка саппаас чааһын тиэйэн аҕалыыга улуус баһылыга Валерий Николаев өйөөбүт. Макеты оҥорууга Маай учаастакка 20 сыл быраҕыллан турбут танкетка саппаас чаастарын туһаммыт.
«Бу сүдү оҥоһугу Авиаторов ул. 30 №-дээх дьиэ таһыгар баран сэҥээрэ көрөн, өйдөбүнньүк хаартыскаҕа түһүөххүтүн сөп», — диэн «ЯКУТИЯ: ВСЁ ПРО СВО» ТГ-ханаал суруйар.
Төрөөбүт тыл уонна сурук-бичик күнүн чэрчитинэн Ил Түмэҥҥэ “СӨ судаарыстыбаннай уонна официальнай тыллара: кыһалҕата, кэскилэ”…
Суут бириистэптэрин Дьокуускай куораттааҕы отделениета 300-тэн тахса тыһыынча суумаҕа оҥоһуллубут хоромньуну ирдиир туһунан быһаарыыны таһаарда.…
“Госуслуга” биир кэлим порталыгар бэйэҥ иэскин эрэ буолбакка, атын дьон эбэтэр тэрилтэлэр иэстэрин бэрэбиэркэлиир өҥө…
СӨ Бырабыыталыстыбатын 2025 сыллааҕы үлэтин отчуоттуур сүбэ мунньаҕа Үөһээ Бүлүү нэһилиэгэр ыытылынна. Мунньаҕы СӨ Бырабыыталыстыбатын…
Дьааҥы улуустарын икки ардыларынааҕы борокуратуурата Адыаччы нэһилиэгин бэрэстэбиитэллээх уорганын дьокутааттарыттан биирдэстэригэр буруйдааһын түмүгүн бигэргэттэ. Кини…
Бүгүн, олунньу 12 күнүгэр, Саха Өрөспүүбүлүкэтигэр биллэриллибит Култуура сылын сырдатыыга, тэрийсиигэ аналлаах “төгүрүк остуол” суруналыыстары…