ВИДЕО: үөрэнээччилэр уонна учууталлар үлэлэрэ болҕомтону тардар

А.Е.Мординов аатынан Тааттатааҕы лиссиэйгэ «Манчаары оонньууларын» кэмигэр күрэсчиттэр, суруналыыстар, ыҥырыылаах ыалдьыттар тохтоон олороллор.

Мантан күрэхтэһиилэр буолар сирдэрэ, стадион ырааҕа суохтар. Онон эргиччи табыгастаах. Суруналыыстарга үлэлииллэригэр анаан икки кылаас бэриллибитэ, үлэлииргэ компьютердар бааллар, сонуннары көрө-истэ олорорго тэлэбиисэр кытта баар. Манна ыалдьыттарга анаан кинигэ быыстапката тэриллибитэ, лиссиэй учууталларын уонна үөрэнээччилэрин «Манчаары оонньууларыгар» анаан бэлэмнээбит үлэлэрэ атыыга тахсыбыта дьон-сэргэ болҕомтотун тардар.

Мин волонтердары кытта кэпсэттим.

—«Манчаары оонньууларын», спартакиадалар тустарынан историяҕа тиһиллэн киирэн иһэрэ олус үчүгэй. Биһиги манна волонтердуу сылдьаммыт элбэҕи ааҕан биллибит, сэргээтибит. Бу олус үчүгэй далааһыннаах тэрээһин биһиэхэ билиибитин-көрүүбүтүн кэҥэтэрбитигэр көмөлөһөр. Бибилэтиэкэбит кинигэтэ элбии турдун, «Манчаары оонньуулара» өссө далааһыннаннын, — диэн этэллэр Р.Местников уонна А.Канаев. Сиһилии манна көрүҥ.

Хаартыска, видео: С.Баснаева