Хаартыска: Т.Е.Саввина тиксэриитэ.
Саха сирин элбэх тэрилтэтэ харчынан кыттыһан, гуманитарнай көмө хомуйан, маскировочнай сиэккэ баайан байыаннай дьайыыга бэйэтин кылаатын киллэрсэр. Өлүөхүмэ улууһун Үҥкүр сэлиэнньэтин “Колосок” уһуйаан үлэһитэ Леонид Евстифеев сиэккэ лиэнтэтин быһар станогу оҥорбут.
— Биһиги уһуйаан үлэһиттэрэ ааспыт сылтан маскировочнай сиэккэни баайабыт. Биир үлэһиппит туран эрэн сиэккэни баайар атахтаах мас тулааһын (стойка) оҥорбута, бу уһуйаан иһигэр турар, үлэһиттэр иллэҥ кэмнэригэр кэлэ-бара өрөн ааһаллар – диэн уһуйаан иитээччитин көмөлөһөөччүтэ Татьяна Саввинова кэпсиир.
Бу кэм устата «Колосок» уһуйаан үлэһиттэрэ (сэбиэдиссэй М.Н.Далбараева) барыта 11 сиэккэни баайбыттар, уон иккистэрин саҕалаабыттар. Итини таһынан, 31 устуука төбөҕө кэтиллэр маскировочнай сиэккэни (нашлемник) оҥорбуттар, кэлэктиип бэйэтэ харчынан кыттыһан 10 тактическай наһыылканы атыылаһан ыыппыттарын байыастар номнуо туппуттар. Маскировочнай сиэккэни баайар 5 илими атыыласпыттар.
Маскировочнай сиэккэни эрдэ судургутук хаалтыстыы ньыманан баайбыт эбит буоллахтарына, соторутааҕыта атын ньымаҕа (гирлянда курдук) көспүттэр. Өрүөхтэрин иннинэ хас да күн турунан туран маҥнай лиэнтэтин быһаллар, ол эрэ кэнниттэн сүрүн үлэтигэр – сиэккэни баайыыга ылсаллар эбит.
“Биһиги уһуйаан үлэһиттэрэ сиэккэ баайарбытын билэр буолан, Саҥа дьыл бырааһынньыгын эрэ иннинэ аймаҕым дьахтар, интэриниэттэн лиэнтэ быһар станок видеотын ыыппыта. Тута сэҥээрэ көрбүтүм. Мин волонтер быһыытынан Өлүөхүмэ куорат СВОИ ыстаабыгар баарбын. Биир эмэ эр киһи көрөн оҥороорой диэн видеоны бөлөххө ыыппытым да, ылсыах киһи көстүбэтэҕэ. Ол иһин бэйэбит уһуйааммыт харабылыгар, улахан уола байыаннай дьайыыга сылдьар Леонид Владимирович Евстифеевка эппиппэр тута өйөөтө. Букатын аҕыйах хонугунан, бырааһынньык өрөбүллэригэр: “Станогу оҥордум, кэлэн тургутан көр” – диэн төлөпүөннээтэ диэн Татьяна Егоровна үөрүүтүн үллэстэр.
Бу иннинэ лиэнтэни биирдиилээн кырыйан бириэмэ бөҕөтүн бараабыт эбит буоллахтарына, билигин станок көмөтүнэн биэс мүнүүтэ иһигэр 25 лиэнтэни биирдэ быһаллар эбит. Күн бүгүн Леонид Владимирович өссө эриллэ сылдьар миэтэрэлээх таҥаһы сөптөөх кээмэйинэн быһар элэктэриичэскэй станок оҥоро сылдьар диэн кини иһитиннэрдэ.
“Төһөнөн элбэх сиэккэни баайабыт да, соччонон элбэх байыаспыт олоҕун быыһыыбыт” – диэн Татьяна Саввинова этэр.
Станокка лиэнтэни хайдах быһары уонна станок хайдах оҥоһулларын бу икки видеоҕа көрүҥ.
Бүгүн Дьокуускайга «Патриот» ыччат киинин үөрүүлээх аһыллыыта буолан ааста. Бу аныгы кэм ыччатын сайдар, үүнэр,…
Бүгүн Саха сиригэр бастакы Уһук Илиҥҥэ биир бөдөҥ элбэх функциялаах «Патриот» ыччат киинэ үөрүүлээх быһыыга-майгыга…
Бүгүн Саха сиригэр бастакы элбэх функциялаах «Патриот» ыччат киинэ аһылынна. Бу киин Уһук Илиҥҥэ биир…
СӨ Бырабыыталыстыбатын Бэрэссэдээтэлин бастакы солбуйааччы Дмитрий Садовников ыксаллаах быһыыга-майыга түбэспит дьону көрдүүр-быыһыыр үлэлэр статистикаларын туһунан…
Норуодунай фронт эрэгийиэннээҕи салаатын үлэһитэ Дмитрий Паньков этэринэн, Арассыыйа Бэрэсидьиэнэ ыыппыт быһа кэпсэтиитигэр Саха сириттэн…
Өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III Сийиэһэ ахсынньы 17 күнүгэр саҕаланар. III Сийиэс бырагыраамата…