Хаартыска: Денис Попов.
Оҥоһуу өй күннээҕи кыһалҕаларбытын бэрт түргэнник быһааран биэрэрэ олус туһалаах. Бүгүн “Саина” сыыппара көмөлөһөөччүтүн билиһиннэрдилэр. Атыттартан туох уратылааҕый?
“Саина” сыыппара көмөлөһөөччүтэ ЗАГС управлениета уонна Инфокоммуникационнай технологиялар өрөспүүбүлүкэтээҕи киинин кыттыгас бырайыактара буолар. “ЗАГС-тан дьон ыйытар боппуруоһа элбэх. Бүгүҥҥүттэн сыыппара көмөлөһөөччүтүн үлэлэтэн саҕалыыбыт. Көннөрү чат-боттан уратыта диэн киэҥ информацияны иҥэринэ сылдьар, сөптөөх хоруйу талаары тугу эрэ баттыыр ирдэммэт, ЗАГСка сыһыаннаах хас биирдии ыйытыыны өйдөөн тута хоруйдуур” – диэн бырабыыталыстыба бэрэссэдээтэлин солбуйааччы Ольга Балабкина иһитиннэрэр.
ЗАГС көҕүлээһининэн сыл устата ЗАГС управлениета уонна Инфокоммуникационнай технологиялар өрөспүүбүлүкэтээҕи киинэ, “Саинаны” ЗАГСка киирэр сүрүн ыйытыыларга хоруйдуурга үөрэппиттэр. ЗАГС управлениетын салайааччыта Дария Слепцова бу оҥоһуу өй хайдах үлэлиирин, тугу сатыырын туһунан: “Дьиҥэр, чат-бот хас биирдии министиэристибэҕэ баар. “Саина” атын чат-боттартан туох уратылааҕый? Бастакытынан, киһи тылынан этиитин өйдүүр. Холобур, “как зарегистрировать акт о бракосочетании” диэн суруйар оннугар көннөрү “как пожениться?” диэн ыйытыахха сөп. Иккиһинэн, туһанааччы биэс бүтэһик ыйытыытыгар олоҕуран онно сөптөөх хоруйу биэрэр. Холобур, “как пожениться?” диэн ыйытыы кэнниттэн “сколько это стоит?” диэн ыйытыахха сөп. Кэпсэтии саахсаҕа сыһыаннааҕын быһыытынан кини: “Госпошлина составляет 350 руб.” – диэн этиэҕэ. Үсүһүнэн, “Саина” көмөлөһөөччү ЗАГС үлэһитин хоруйун курдук хоруйдуоҕа. Төрдүһүнэн, баазатын хаҥата турар. Ол эбэтэр, дьон ыйытыытыгар хайдах хоруйдуурга бэйэтэ салгыы үөрэнэр” – диэн быһаарар.
Санатан эттэххэ, өрөспүүбүлүкэҕэ судаарыстыбаннай салайыы үстүрүмүөннэрин, ол иһигэр оҥоһуу өй технологиятын туһаныы Ил Дархан 2024 сыл атырдьах ыйын 26 күнүнээҕи 410-с нүөмэрдээх Ыйааҕар олоҕуран олоххо киирэр. Уопсайынан, Саха сирэ сыыппара өттүгэр арыый инникилээн иһэр дииллэрин аҥардас бу холобуртан да көрөбүт. “Саина” сыыппара көмөлөһөөччүтэ тургутан көрүү быһыытынан бүгүҥҥүттэн үлэтин саҕалыыр. Инникитин өссө сахалыы саҥарыаҕа диэн үөртүлэр.
Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…
Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…
Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…
Өрөспүүбүлүкэ агробырамыысыланнай комплексын 2025 сыллааҕы үлэтин түмүктүүр мунньаҕар бастыҥ муниципальнай оройуоннар бэлиэтэннилэр. Бу туһунан СӨ…
Тымныыттан эчэйии үксэ арыгы иһииттэн тахсар диэн Өрөспүүбүлүкэтээҕи 2 №-дээх балыыһатын - Суһал мэдиссиинэ көмөтүн…
Тэрээһиннэргэ байыаннай дьайыы бэтэрээннэрэ уонна кыргыһыы хонуутугар охтубут дьон дьиэ кэргэттэрин чилиэннэрэ, барыта 28 тыһыынчаттан…