ВИДЕО: Зырянка үрдүнэн Үрүҥ Аар тойон илдьиттэрэ

Ыам ыйын 9 күнүгэр Зярынка олохтоохторо икки сүүнэ улахан хотой миитиҥ кэмигэр элиэтии көтөллөрүн видеоҕа уһулан, социальнай ситимнэринэн тарҕаттылар. Видеону «Колымские новости» ТГ-ханаала таһаарда.

Хотойу былыр-былыргыттан өбүгэлэрбит ытыктыыллара, сүгүрүйэллэрэ. Үрүҥ Аар Тойон сиргэ Айыы дьонугар илдьит ыытар диэн тойоннууллара.

Хотой уонна саас кэлиитэ биир өйдөбүллээх. Хотой аан бастакынан былыр даҕаны, билигин даҕаны саас кэлиитин билгэһитэ буолар, тымныы тыйыс айылҕалаах кыһыннаах сиргэ олорор сахалар, биллэн турар, хотойдор эрдэ кэлэн саас эрдэлиирин билгэлииллэрэ.

Хара тойон эбэтэр хотой — тыҥырахтаах көтөр. Атыырын кынатын уһуна 618—715 мм, ыйааһына 3450—3927 г. Тыһытын кынатын уһуна 650—741 мм, ыйааһына 3700—4400 г. буолар.