Виктория Петрова уонна Василина Иванова үҥүүнү быраҕыыга Арассыыйа чөмпүйүөннэрэ

Чэпчэки атлетикаҕа Чувашияҕа Арассыыйа чөмпүйэнээтин  төрдүс күнүгэр саха спортсменнара Виктория Петрова уонна Василина Иванова Арассыыйа чөмпүйүөннэрэ буоллулар.

Василина Иванова чөмпүйэнээккэ үһүс кыһыл көмүс мэтээли ылла. Ол курдук, кини ядроны, диискэни уонна үҥүүнү быраҕыыга дойду чөмпүйүөнэ буолбута. Оттон Виктория Петрова күрэхтэһии ааспыт икки күнүн түмүгүнэн  ядрону уонна диискэни быраҕыыга иккитэ үрүҥ көмүс призера буолары ситиспитэ, онтон бүтэһик күн кини биэс спортсмен ортотугар кыайыылаах аатын ылла.

Ону таһынан, күрэхтэһии бастакы күнүн түмүгүнэн Яков Максимов ядрону быраҕыыга боруонса мэтээл хаһаайынынан буолбута.